Jalgaon Two police officers arrested in bribery case crime news ysh 95

रावेर तालुक्यातील सावदा येथील पोलीस ठाण्यातील सहायक निरीक्षकासह उपनिरीक्षकाला अपहार प्रकरणातील संशयितांना अटक न करण्यासाठी लाच मागणे चांगलेच महागात पडले आहे.

Written by लोकसत्ता टीम

नाशिक

November 1, 2022 16:54 IST

( संग्रहित छायाचित्र )

जळगाव: रावेर तालुक्यातील सावदा येथील पोलीस ठाण्यातील सहायक निरीक्षकासह उपनिरीक्षकाला अपहार प्रकरणातील संशयितांना अटक न करण्यासाठी लाच मागणे चांगलेच महागात पडले आहे. मंगळवारी जळगावच्या लाचलुचपत प्रतिबंधक विभागाच्या पथकाने लाच स्वीकारणारा सहायक पोलीस निरीक्षक आणि उपनिरीक्षकाला रंगेहात अटक केली.

हेही वाचा >>> जळगाव: “मी जर तीन महिन्यांचं बाळ, तर मला…” सुषमा अंधारे यांचा गुलाबराव पाटील यांना टोला

हेही वाचा >>> नाशिक: तालुकानिहाय मोठ्या थकबाकीदारांच्या नावांना आता प्रसिध्दी; जिल्हा बँकेच्या थकीत कर्ज वसुलीला अल्प प्रतिसाद

सावदा शहरातील एका दाखल झालेल्या गुन्ह्यातील संशयिताला अटक न करण्यासाठी पोलीस ठाण्याचा सहायक निरीक्षक देविदास इंगोले आणि उपनिरीक्षक समाधान गायकवाड यांनी ६० हजार रुपयांची मागणी केली होती. तडजोडीनंतर १५ हजार रुपये देण्याचे ठरले. यासंदर्भात संबंधित व्यक्तीने जळगावच्या लाचलुचपत प्रतिबंधक विभागाकडे तक्रार केली होती. याअनुषंगाने विभागाचे पोलीस उपअधीक्षक शशिकांत पाटील यांनी पथक नियुक्त केले. पथकाने सापळा रचत इंगोले आणि गायकवाड यांना अटक केली.

First published on: 01-11-2022 at 16:54 IST

जळगाव: लाच प्रकरणी दोन पोलीस अधिकाऱ्यांना अटक