scorecardresearch

Premium

नाशिक : सिन्नरमधील अपहृत युवकाची सहा तासांत सुटका

सिन्नर शहरातील प्रकाश नगरात राहणाऱ्या युवकाला घरातून शस्त्राचा धाक दाखवत पळवून नेण्यात आले होते. त्याच्या सुटकेसाठी २० लाख रुपयांची खंडणी मागण्यात आली.

Kidnapped youth from Sinnar
नाशिक : सिन्नरमधील अपहृत युवकाची सहा तासांत सुटका (छायाचित्र – लोकसत्ता टीम)

नाशिक – सिन्नर शहरातील प्रकाश नगरात राहणाऱ्या युवकाला घरातून शस्त्राचा धाक दाखवत पळवून नेण्यात आले होते. त्याच्या सुटकेसाठी २० लाख रुपयांची खंडणी मागण्यात आली. यासंदर्भात सिन्नर पोलीस ठाण्यात गुन्हा दाखल झाल्यावर पोलिसांनी अवघ्या सहा तासांत संशयितांच्या ताब्यातून युवकाची सुटका केली.

सिन्नर येथील प्रकाश नगरात अर्जुन गुप्ता हा मित्र किरण चक्रधर सोबत अभ्यास करण्यासाठी खोली भाड्याने घेऊन राहतो. सोमवारी रात्री खोलीत सहा संशयित शिरले. त्यांनी बंदुक आणि चाकूचा धाक दाखवत किरण आणि अर्जुन यांचे हातपाय बांधून तोंडास चिकट टेप गुंडाळून किरण यास न्हाणीघरात कोंडून अर्जुनचे अपहरण केले. त्याच्या भ्रमणध्वनीवरून अर्जुनच्या मोठ्या भावाशी संपर्क साधत २० लाख रुपये न दिल्यास भावाला मारून टाकू, अशी धमकी संशयितांनी दिली. या प्रकरणी सिन्नर पोलीस ठाण्यात गुन्हा दाखल करण्यात आला.

Fraud with trader dhule
पंजाबचा व्यापारी अन धुळ्याचे पोलीस
Secular Parishad in Dhule
जातीयवाद्यांना रोखण्याचा धुळ्यातील सेक्युलर परिषदेचा निर्धार
Fear of alienating importers regarding onion exports
कांदा निर्यातविषयक धरसोड वृत्तीने आयातदार दुरावण्याची भीती
fake crime, Police, extortion, 5 lakh, student, Pimpri, threatening, implicate,
धक्कादायक : पिंपरीत विद्यार्थ्याला खोट्या गुन्ह्यात अडकविण्याची धमकी देऊन पोलिसांनी घेतली पाच लाखांची खंडणी

हेही वाचा – पिंपरी : मोठ्याने शिव्या दिल्याचा विचारला जाब; पेट्रोल टाकून महिलेची जाळली दुचाकी…

हेही वाचा – पुणे : मिळकतकरात ४० टक्के सवलतीसाठी आज शेवटचा दिवस… अर्ज स्वीकारण्याची ‘या’ ठिकाणी व्यवस्था

सिन्नर पोलिसांनी अर्जुनच्या घरी जाऊन माहिती घेतली. तपास पथक तयार केले. अर्जुनसोबत असणारे निखिलेश रावत आणि अनिस मोहम्मद दोघे सायंकाळपासून घरी नसल्याचे दिसल्याने निखिलेशचा शोध घेतला. त्याच्याकडे चौकशी केली असता उडवा उडवीची उत्तरे दिली. त्याला पोलिसी खाक्या दाखवताच निखिलेश, गौरव चौधरी, जाफर मोमीन, साहिल तायडे, अनिस मोहम्मद आणि परराज्यातील एक साथीदार यांनी अर्जुनचे अपहरण करुन शंकर नगरातील जाफर मोमी यांच्या भंगार गोदामात डांबले असल्याची माहिती दिली. तपास पथक संबंधित ठिकाणी गेले असता अर्जुन यास चिकटपट्टीने बंदिस्त केल्याचे दिसून आले. त्याची पोलिसांनी सुटका करुन श्वास घेण्यास त्रास होत असल्याने तातडीने सिन्नर उपजिल्हा रुग्णालयात दाखल करण्यात आले. संशयितांना ताब्यात घेण्यात आले आहे.

Latest Comment
View All Comments
Post Comment

Nashik News (नाशिक न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Kidnapped youth from sinnar rescued within six hours ssb

First published on: 30-11-2023 at 15:48 IST

आजचा ई-पेपर : नाशिक

वाचा
epaper image

संबंधित बातम्या

तुम्ही या बातम्या वाचल्या आहेत का? ×