Mandal officer along with woman caught taking bribe of Rs 50 thousand nashik

सुरुवातीला १ लाख रुपयांची लाच मागण्यात आली होती. मात्र, तडजोडीअंती ५० हजार रुपये ठरले.

५० हजाराची लाच घेताना महिलेसह मंडळ अधिकारी जाळ्यात (संग्रहित छायाचित्र)

अनुकूल निकाल देण्यासाठी पाथर्डीचे मंडळ अधिकारी व एका महिलेला ५० हजारांची लाच घेताना लाचलुचपत प्रतिबंधक विभागाने रंगेहात पकडले. पुरूषोत्तम पराडकर असे त्या मंडळ अधिकाऱ्याचे नाव असून केतकी चाटोरकर असे त्या महिलेचे नाव आहे.

हेही वाचा- उमेदवारी जाहीर न झाल्यामुळे मतदार नोंदणी संथ; नाशिक पदवीधर मतदारसंघात केवळ ४० हजार अर्ज

This quiz is AI-generated and for edutainment purposes only.

तक्रारदाराने पाथर्डीच्या मंडळ कार्यालयात अर्ज सादर केला होता. या अर्जानुसार त्यांच्या बाजूने निकाल देण्यासाठी संशयित मंडळ अधिकारी पुरूषोत्तम पराडकर व खासगी महिला केतकी चाटोरकर यांनी एक लाख रुपयांची लाच मागितली. तडजोडीअंती ५० हजार रुपये ठरले. या संदर्भात तक्रारदाराने लाचलुचपत प्रतिबंधक विभागाशी संपर्क साधला होता. या तक्रारीच्या आधारे विभागाने सापळा रचला. पराडकरने लाचेची रक्कम चाटोरकरला स्विकारायला सांगितली. ही रक्कम घेत असताना संशयितांना पथकाने ताब्यात घेतले. लाचलुचपत प्रतिबंधक विभागाचे पोलीस अधीक्षक सुनील कडासने, अपर अधिक्षक नारायण न्याहाळदे यांच्या मार्गदर्शनाखाली पोलीस उपअधीक्षक वैशाली पाटील यांच्या नेतृत्वाखाली पथकाने ही कारवाई केली. संशयित मंडळ अधिकारी पराडकर व खासगी महिला चाटोरकर यांच्या विरुध्द लाचलुचपत प्रतिबंधक अधिनियमान्वये गुन्हा दाखल करण्यात आला आहे.

First published on: 03-11-2022 at 15:34 IST

Nashik News (नाशिक न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Mandal officer along with woman caught taking bribe of rs 50 thousand nashik news dpj

५० हजारांची लाच घेताना महिलेसह मंडळ अधिकारी जाळ्यात

सुरुवातीला १ लाख रुपयांची लाच मागण्यात आली होती. मात्र, तडजोडीअंती ५० हजार रुपये ठरले.