प्रलंबित मागण्यांसाठी इपीएस-९५ निवृत्त कर्मचारी संघटनेचे धुळ्यात आंदोलन

कमीतकमी साडेसात हजार रुपये निवृत्तीवेतन मिळावे, महागाई भत्ता द्यावा, निवृत्तीधारकासह त्याच्या पत्नीला मोफत आरोग्य सुविधा द्याव्यात, निवृत्तीवेतन योजनेत समाविष्ट नसणाऱ्यांनाही सामाजिक सुरक्षा म्हणून पाच हजार रुपये व महागाई भत्ता द्यावा, अशा मागण्या जाधव यांनी केल्या आहेत. सरकार झोपी गेल्याचे सोंग करीत आहे. या ढोंग करणार्‍या सरकारला जागे करण्यासाठी आणि कमांडर राऊत यांच्या अटकेच्या निषेधार्थ आंदोलन करण्यात आले आहे, असे जाधव यांनी सांगितले. आंदोलनात जे. आर. सूर्यवंशी, एम. आर. पाटील, व्ही. एस. देवकाते, सुदर्शन जैन, डी. के. जाधव आदी सहभागी झाले होते.