नंदुरबार : मंगळवारी रात्री किरकोळ वादातून दोन गटात दगडफेक, २५ हून अधिक जणांना अटक, आता परिस्थिती पूर्ववदावर

हेही वाचा >>> नाशिक: सावरकर गौरव यात्रेतही राजकारण; भाजपचे वर्चस्व, शिवसेनेची अल्पकाळ उपस्थिती

दगडफेकीत तीन ते चार पोलीस कर्मचारी किरकोळ जखमी झाले आहेत. बुधवारी सकाळी १० पर्यत २५ जणांना अटक करुन शहर पोलीस ठाण्यात गुन्हा दाखल करण्यात आला आहे. घटनेनंतर उपविभागीय पोलीस अधिकारी विश्वास वळवी, शहर निरीक्षक रवींद्र कळमकर,  निरीक्षक दीपक बुधवंत, स्थानिक गुन्हे शाखेचे निरीक्षक किरणकुमार खेडकर,  तालुका निरीक्षक राहुल पवार यांच्यासह पोलीस फौजफाटा आणि राज्य राखीव दलाची एक तुकडी  तैनात करण्यात आली आहे. दरम्यान, बुधवारी सकाळपासून परिसरातील सर्व व्यवहार सुरळीत  झाले असून पोलिसांनी नगरपरिषदेच्या कर्मचाऱ्यांच्या मदतीने दगड आणि काचा गोळा करत रस्ता मोकळा केला. उपद्रव प्रकरणी दोषींवर कडक कारवाईचे संकेत पोलीस अधीक्षक पी.आर. पाटील यांनी दिले आहेत. पोलिसांची समाज माध्यमावरही नजर असून अफवा पसरविणाऱ्यांची गय केली जाणार नाही, असा इशारा दिला आहे.