कुठे कुठे माफी मागणार? छगन भुजबळ यांचा शरद पवार यांना सवाल

येवल्यातील लोकांच्या सांगण्यावरून तेथे कामाची संधी असल्याने येवल्याची निवड केली. प्रेम आणि कामासाठी संघर्ष यामुळे येवल्यातील नागरिकांनी चार वेळा निवडून दिले. अशा ठिकाणी पवारसाहेब हे भुजबळ यांची निवड करण्यात चुकलो, असे म्हणतात. हे पवारांनी म्हणणे साफ चुकीचे आहे. बारामतीनंतर खरा विकास येवल्यात झाला असल्याचा दावाही भुजबळ यांनी केला.

येवल्यात माफी मागितली. आता नागपूर, धुळे अशा पन्नास ठिकाणी माफी मागणार का, असा प्रश्न भुजबळ यांनी उपस्थित केला. पवार यांच्या सभेचे नियोजन हे राष्ट्रवादीतून जानेवारी २०२० मध्ये शिस्तभंगाची कारवाई करत हकालपट्टी केलेल्या माणिकराव शिंदे यांनी केले. दराडे बंधूंचेही सभेसाठी सहकार्य लाभले. येवल्यातील बहुतांश तरुण आपल्या स्वागताला होते. थकलेले, वृद्ध, जे काही काम करीत नाहीत ते पवारांच्या सभेला होते, असेही ते म्हणाले.