लोकसत्ता प्रतिनिधी
नवी मुंबई : कोपरखरणे येथील एका इमारतीत दुसऱ्या व तिसऱ्या मजल्यावरील छत कोसळून पाच जण जखमी झाले आहेत. यात एका गरोदर महिलेचाही समावेश असून ती गंभीर आहे. मंगळवारी दुपारी ही दुर्घटना घडली. ही इमारत राहण्यायोग्य नसतानाही अनेकजण इमारतीत राहत होते.
या दुर्घटनेत नंदलाल त्र्यंबके, अनिता त्र्यंबके, प्रशांत जाधव, मणिंदर ठाकूर आणि प्रीती झा हे जखमी झाले आहेत.
कोपरखैरणे सेक्टर १९ बी येथे ही सिल्वर सॅण्ड इमारत आहे. या इमारतीच्या तिसऱ्या मजल्यावरील सदनिका क्रमांक ३०१ चे छत दुसऱ्या मजल्यावरील सदनिका क्रमांन २०१ मध्ये तर दुसऱ्या मजल्यावरील छत पहिल्या मजल्यावरील सदनिका क्रमांक १०१ मध्ये कोसळले. हा प्रकार शयनगृहात घडला. मात्र दुपारीची वेळ असल्याने त्या ठिकाणी कोणी झोपलेले नव्हते. त्यामुळे मोठी दुर्घटना टळली.
चार माळयांची ही इमारत २००७ मध्ये बांधण्यात आली होती. इमारततील १६ सदनिका असून ३०१, २०१, आणि १०१ क्रमांकाच्या सदनिकेतील छत पडण्याची घटना घडली. तिसऱ्या माळ्यावरील अनिता त्र्यंबके यांना अग्निशमन दलाच्या मदतीने बाहेर काढण्यात आले. यातील एक महिला गरोदर होती. ती गंभीर जखमी झाली असून तिला तातडीने रुग्णालयात दाखल करण्यात आले आहे, अशी माहिती विभाग अधिकारी अशोक मडवी यांनी दिली आहे.
राहण्याआयोग्य इमारत
इमारतीची प्राथमिक तपासणी केली असता पायी चालले तरी कंप होतो. इमारतीच्या पिलरला तडे गेले असून सदर इमारतीची संरचना तपासणी अद्याप झालेली नाही. ही इमारत राहण्यायोग्य नसूक याबाबत विभाग कार्यालयाला कळविण्यात येईल अशी माहिती अगीशमन विभागाचे सहाय्यक अधिकारी एकनाथ पवार यांनी दिली.
