CIDCO board has announced a tender of Rs 6 crore for repair work on new Panvel and Roadpali flyovers. | Loksatta

आंदोलनानंतर सिडको मंडळाला जाग; नवीन पनवेल उड्डाणपुलावरील खड्डे होणार दुरुस्त

पाच दिवसांपूर्वी नवीन पनवेल उड्डाणपुलावर आमदारांनी कार्यकर्त्यांसह रस्ता रोको केला होता.

आंदोलनानंतर सिडको मंडळाला जाग; नवीन पनवेल उड्डाणपुलावरील खड्डे होणार दुरुस्त
नवीन पनवेल उड्डाणपुलावरील खड्ड्यांविरोधात भाजपा आक्रमक

नवीन पनवेल उड्डाणपुलावरील खड्यांमुळे भारतीय जनता पक्षाच्या आमदारांनी रस्त्यावर उतरुन सिडको विरोधात पाच दिवसांपूर्वी रास्ता रोको केले होते. या आंदोलनानंतर सिडको मंडळाला जाग आली आहे. मंडळाने नवीन पनवेल आणि रोडपाली उड्डाणपुलावरील दुरुस्तीच्या कामासाठी सहा कोटी रुपयांची निविदा जाहीर केली आहे.

हेही वाचा- नवीन पनवेल उड्डाणपुलावरील खड्ड्यांवरुन भाजपा आक्रमक; भर पावसात रस्तारोको

सिडको मंडळाला जाग

सिडको मंडळाने बांधलेल्या नवीन पनवेल वसाहत आणि रोडपाली येथील उड्डाणपुलावरील खड्यांमुळे अपघाताचे प्रमाण वाढले होते. तसेच वाहतूक कोंडी नित्याची झाली होती. नवीन पनवेल पुलावरील खड्यांसाठी सूरुवातीला महाराष्ट्र नवनिर्माण सेनेच्या पदाधिका-यांनी समाजमाध्यमांव्दारे वाचा फोडली. तर सामाजिक कार्यकर्त्यांनी याबाबत सिडको अधिका-यांची भेट घेतली. सिडको मंडळाचे पालघर व रेल्वे विभागाचे अधिक्षक अभियंता यांनी रोडपाली फुडलँण्ड पुलासाठी ३ कोटी ४९ लाख ६९ हजार ८८५ रुपये तर नवीन पनवेल पुलासाठी २ कोटी ४८ लाख ६९ हजार ८३९ रुपयांचा खर्च करणार आहे. या कामांमध्ये उड्डाणपुलावरील खड्डे बुजवून डांबरीकरण करणे आणि पोचरस्त्याच्या कॉंक्रीटीकरण करणे अशी कामे आहेत.

हेही वाचा- मुंबई वाशी मार्गावर १० लेनचा नवीन टोलनाका! मार्चपर्यंत काम पूर्ण करण्याचे रस्ते विकास महामंडळाचे लक्ष

सिडको मंडळाच्या कारभाराविरोधात प्रवासी संतप्त

नवीन पनवेल वसाहत ते पनवेल शहराला जोडणारा पुलावरील वाहतूक जिवघेणी झाली होती. विद्यार्थ्यांची वाहतूक याच पुलावरुन होत असल्याने पालकांसाठी चिंतेची बाब होती. अशीच परिस्थिती तळोजा औद्योगिक वसाहत ते मुंब्रा पनवेल महामार्ग जोडणा-या उड्डाणपुलावर होती. अवजड वाहनांचा सर्रास वावर असल्याने मोठ्या खड्डे या पुलावर होते. गेल्या तीन महिन्यात खड्डे बूजवण्याचा प्रयत्न सिडको मंडळाने केला. मात्र, त्यानंतरही परिस्थिती सुधारत नव्हती. त्यामुळे राजकीय व सामाजिक संघटन व प्रवासी सिडको मंडळाच्या कारभाराविरोधात संतापले होते.

हेही वाचा- उड्डाण पुलाखालील जागा शालेय बसला आंदण ?

खड्ड्यांविरोधात भाजपाचे आंदोलन

दोन आठवड्यांपूर्वी मनसेच्या पदाधिका-यांनी नवीन पनवेल येथील पुलावर सिडको मंडळाचे अधिकारी रात्रीच्या वेळी तात्पुरत्या स्वरूपात खड्डे बुजविण्याचे काम करत असताना मनसेच्या पदाधिका-यांनी ते काम बंद पाडले. तर सामाजिक कार्यकर्त्यांनी ही परिस्थिती सिडको मंडळाचे मुख्य अभियंता डॉ. के. एम. गोडबोले यांच्यासमोर मांडले. यानंतर मुख्य अभियंता डॉ. गोडबोले यांनी सामाजिक कार्यकर्त्यांना महिन्याभरात या पुलावरील खड्यांचा प्रश्न सोडविण्यासाठी निविदा प्रक्रीया जाहीर करु असे आश्वासन दिले होते. या दरम्यान भाजपचे पनवेल शहराचे उपाध्यक्ष संदीप पाटील यांनी आंदोलन करण्याचे लेखी पत्र सिडको मंडळाला दिले. आमदार प्रशांत ठाकूर यांच्या नेतृत्वाखाली नवीन पनवेल येथील सिडको कार्यालयासमोर रास्तारोको करण्यात आला. भरपावसात आमदार प्रशांत ठाकूर हे असंख्य कार्यकर्त्यांसह रस्त्यावर ठिय्या मांडून काही तास बसले. वैतागलेल्या नवीन पनवेलकरांचा या आंदोलनाला प्रतिसाद मिळाला. अखेर सिडको मंडळाने आंदोलकांना दिलेला शब्द पाळत पुलावरील कामासाठी निविदा जाहीर केली. 30 सप्टेंबरनंतर या कामासाठी कंत्राटदार बोली लावू शकणार आहेत.

मराठीतील सर्व नवी मुंबई ( Navimumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
उड्डाण पुलाखालील जागा शालेय बसला आंदण ?

संबंधित बातम्या

नवी मुंबई : विवाहितेची मुलासह सातव्या मजल्यावरून उडी मारून आत्महत्या
काळ्या वर्णाची मुलगी झाली म्हणून दोन वर्षांपासून जाच, शेवटी महिलेने पोलीस ठाणे गाठले; पनवेलमधील संतापजनक प्रकार
नवी मुंबई: मोरा बंदरातील गाळामुळे जलप्रवासात खोळंबा; प्रवाशांकडून संताप व्यक्त
नवी मुंबई ते अलिबाग अंतर केवळ सव्वा तासात, बेलापूर ते मांढवा वॉटर टॅक्सी सेवा आजपासून सुरू

व्हिडिओ

ताज्या बातम्या
Video: मुलीकडून किडनी मिळल्यानंतर लालू प्रसाद यादव यांचा पहिला व्हिडिओ आला समोर; म्हणाले “मला चांगलं…”
“तुमचा रस्ता कोल्हापुरातून जातो हे लक्षात ठेवा,” धनंजय महाडिकांचा कर्नाटकच्या नागरिकांना इशारा; म्हणाले “अशी गुंडगिरी…”
पुणे : डॉ. नरेंद्र दाभोलकर हत्या प्रकरणात गृह खात्याच्या निवृत्त उपसचिवांची साक्ष
Video: अंघोळ करत होती सौंदर्या, शालीनने चुकून उघडला बाथरुमचा दरवाजा अन्…
‘ये रिश्ता क्या कहलाता है’ फेम हिना खानचं १३ वर्षांच्या रिलेशनशिपनंतर ब्रेकअप? पोस्टमुळे चर्चेला उधाण