तुर्भेत भीषण आग…

भूखंड क्रमांक डी ६१ वर असणाऱ्या या कंपनीत आज पहाटे भीषण आग लागलेली आहे. याबाबत वाशी अग्निशमन दलाने दिलेल्या माहितीनुसार सकाळी चार वाजून सदोतीस मिनिटांनी त्यांना कॉल आला. त्यांनी तातडीने नेरुळ एमआयडीसी अग्निशमन दलास याबाबत माहिती दिली. त्या नंतर पाच मिनिटात नेरुळ अग्निशमन दल घटनास्थळी पोहचले. त्यांनी आग विझवण्याचे प्रयत्न सुरु केले, मात्र रासायनिक कंपनी असल्याने अनेक ज्वालाग्राही पदार्थ तेथे होते.

त्यामुळे आगीने रौद्र रूप धारण केल्याने नेरुळ वाशी सिबिडी येथील मनपा अग्निशमन दल मदतीसाठी रवाना झाले आहे. आग नक्की कशामुळे लागली, आगीत किती नुकसान झाले हि माहिती अद्याप समोर आली नाही. आता पर्यंत तरी कोणी जखमी वा मृत झाल्याची नोंद नाही. आग विझवण्यास अजून किमान दोन तास लागतील असेही वाशी अग्निशमन दलाने सांगितले.