scorecardresearch

Premium

नवी मुंबई : पावसामुळे पालेभाज्यांचे दर चढेच राहणार, बाजारात ३० ते ४० टक्के आवक घटली

घाऊक बाजारात मेथी आणि कोथिंबीरच्या दरात ५ रुपयांनी वाढ झाली असून पालेभाज्यांचे दर चढेच राहतील अशी शक्यता वर्तविण्यात येत आहे.

navi mumbai apmc, leaf vegetables rate navi mumbai, navi mumbai market rates of vegetables, leaf vegetables flow at apmc
पावसामुळे पालेभाज्यांचे दर चढेच राहणार, बाजारात ३० ते ४० टक्के आवक घटली (संग्रहित छायाचित्र)

नवी मुंबई : मुंबई कृषि उत्पन्न भाजीपाला बाजारात पावसामुळे राज्यातून दाखल होणाऱ्या पालेभाज्यांची आवक घटली असून कोथिंबीर आणि मेथीच्या दरात पुन्हा वाढ झाली आहे. सततच्या पावसामुळे बाजारात भिजलेल्या पालेभाज्या दाखल होत असून ३० ते ४० टक्के आवक घटली आहे. त्यामुळे घाऊक बाजारात मेथी आणि कोथिंबीरच्या दरात ५ रुपयांनी वाढ झाली असून पालेभाज्यांचे दर चढेच राहतील अशी शक्यता वर्तविण्यात येत आहे.

एपीएमसी भाजीपाला बाजारात बुधवारी ६४४ गाड्या दाखल झाल्या आहेत. मात्र यामध्ये पालेभाज्यांची आवक घटली आहे. विशेषतः मेथी आणि कोथंबीरची ३० ते ४० टक्के आवक कमी झाली आहे. सोमवारी कोथिंबीरच्या ५८ तर मेथीच्या १५ गाड्या दाखल झाल्या होत्या पंरतु बुधवारी कोथिंबीरच्या ४२ आणि मेथीच्या ७ गाड्या दाखल झाल्या असून १५७००० क्विंटल कोथंबीर तर २९८००क्विंटल मेथी दाखल झाली आहे. तसेच २७१०० क्विंटल शेपू तर १४९४०० क्विंटल पालक दाखल झाली आहे.

relief fund farmers Akola district
अकोला : ‘अवकाळी’च्या नुकसान भरपाईमुळे शेतकऱ्यांना दिलासा मिळणार!
MLA Pratibha Dhanorkar
सोयाबीन उत्पादक शेतकऱ्यांना एक लाख हेक्टरी मदत द्या, आमदार प्रतिभा धानोरकर यांची मागणी
demand for fruits flowers increased in ganesh festival
पुणे: गणेशोत्सवामुळे फळे, फुलांना मागणी वाढली; दरात ५ ते १० टक्क्यांनी वाढ
vegetable
पुणे: हिरवी मिरची, घेवडा, मटारच्या दरात वाढ

हेही वाचा : खारघर उपनगरामधील खड्डे बुजविण्याची मागणी

आधी घाऊक बाजारात १५-२० रुपयांनी उपलब्ध असलेली मेथी आता २०-२५ रुपये तर कोथिंबीर २५-३० रुपयांवरून ३०-३५ रुपयांवर विक्री होत आहे. शेपू १५-२० रुपये तर पालक १०-१५ रुपयांनी विक्री होत आहे. तेच किरकोळ बाजारात मेथीचे प्रमाण तुरळक आढळत असून दरवाढ झाली आहे. मेथीची जुडी किरकोळ बाजारात ४० ते ५० रुपयांवर तर कोथिंबीर मोठी जुडी ३५-४० रुपयांनी विकली जाते. पुढील कालावधीत पालेभाज्यांचे दर चढेच राहतील, अशी माहिती व्यापारी संदेश धावले यांनी दिली आहे.

Latest Comment
View All Comments
Post Comment

Navimumbai News (नवी मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: In navi mumbai prices of leaf vegetables remain high due to rain 40 percent decrease in flow at apmc css

First published on: 27-09-2023 at 16:54 IST

संबंधित बातम्या

मराठी कथा ×