नवी मुंबई - मानखुर्द-नेरुळ अप आणि डाऊन या हार्बर मार्गावर सकाळी ११.१५ ते सायंकाळी ४.१५ मेगाब्लॉक घेण्यात आला आहे. छत्रपती शिवाजी महाराज टर्मिनस मुंबई येथून सकाळी १०.१८ ते दुपारी ३.२८ पर्यंत पनवेल/बेलापूरसाठी सुटणाऱ्या डाउन हार्बर मार्गावरील सेवा आणि बेलापूरहून छत्रपती शिवाजी महाराज टर्मिनस मुंबईसाठी सकाळी १०.३७ ते दुपारी ३.४५ पर्यंत सुटणाऱ्या अप हार्बर मार्गावरील सेवा रद्द राहतील. तसेच ब्लॉक कालावधीत छत्रपती शिवाजी महाराज टर्मिनस मुंबई- मानखुर्द या भागावर विशेष उपनगरीय गाड्या चालविण्यात येतील. मात्र ब्लॉक कालावधीत ठाणे-वाशी/नेरुळ स्थानकांवरील ट्रान्सहार्बर लाईन सेवा आणि मेन लाईन सेवा सकाळी १०.०० ते संध्याकाळी ६.०० पर्यंत उपलब्ध असतील.
