नवी मुंबई : महापालिकेच्या विद्युत विभागाकडून कोणतीही परवानगी नसताना फ्लेमिंगो तसेच स्थलांतरित पक्ष्यांचा अधिवास तसेच नेरुळ येथील टी एस चाणक्य तलाव परिसरातील कांदळवन तसेच पाणथळ क्षेत्रात सौर दिव्यांचे खांब बसवण्याचा प्रताप नवी मुंबई महापालिकेच्या अंगलट आला आहे. याबाबत पर्यावणप्रेमींकडून महापालिकेकडे अनेक तक्रारी आल्या होत्या. त्यामुळे अखेर गुरुवारी सायंकाळपासून सौर दिव्यांचे खांब काढण्यास सुरुवात झाली आहे.

नवी मुंबई महापालिकेकडून बेलापूर परिसरात सौर दिवे लावण्याचे २५ कोटी रुपयांचे काम सुरू करण्यात आले आहे. कांदळवन क्षेत्रात कोणत्याही प्रकारची परवानगी नसताना पालिकेकडून बेकायदा सौरऊर्जेवरील पथदिवे लावण्यात येत असून याबाबत कांदळवन विभागाकडे पर्यावरणप्रेमींनी तक्रार केल्यानंतर महापालिका प्रशासनाला अखेर जाग आली आहे. त्यामुळे टी एस चाणक्य तलाव आणि लगतच्या परिसरातील सौर दिव्यांचे खांब काढण्यास महापालिका प्रशसानाने सुरुवात केली आहे. सौर दिव्यांच्या प्रकाशामुळे तसेच खांबांमुळे फ्लेमिंगोंना अडथळा ठरू शकतो.

Cancel contract if the road works are not completed by June 7 Additional Municipal Commissioner Abhijit Bangar ordered
मुंबई : रस्त्यांची कामे ७ जूनपर्यंत पूर्ण न झाल्यास कंत्राट रद्द करा, अतिरिक्त महानगरपालिका आयुक्त अभिजीत बांगर यांचा आदेश
Shram Parihar at Swami Vivekananda Udyan in Airoli Sector
उद्यानात कार्यकर्त्यांचा ‘श्रमपरिहार’! नवी मुंबई पोलीस तसेच महापालिका अधिकाऱ्यांचे दुर्लक्ष
Mumbai Municipal Corporation, Prunes Dangerous Trees, Ahead of Monsoon, 305 Trees Trimmed 109 Remaining, bmc news, mumbai news, marathi news
मुंबई महानगरपालिका क्षेत्रासह वन विभागाच्या हद्दीतील ४१४ पैकी ३०५ झाडांची छाटणी पूर्ण
analysis of pune district development
आयटी, वाहन उद्योगानंतर वैद्याकीय केंद्रामुळे ओळख
Kolhapur Municipal Officer, Kolhapur Municipal Officer Suspended, Unauthorized Tree Felling, Unauthorized Tree Felling in Padmaraje Park, Kolhapur news, Kolhapur municipalitya, marathi news,
कोल्हापूर महापालिकेचे पर्यावरण अधिकारी समीर व्याघ्रांबरे निलंबित; पद्माराजे उद्यान्यातील वृक्षतोड प्रकरण भोवले
mumbai ban on sale of liquor
मद्यविक्री बंदीचा आदेश मतमोजणीच्या निकालापर्यंतच लागू, ठाणे जिल्हाधिकाऱ्यांच्या मद्यविक्री बंदीच्या आदेशात उच्च न्यायालयाकडून सुधारणा
ambernath, midc additional Road , ambernath midc additional Road traffic, katai badlapur road, nevali to ambernath midc road, traffic jams, traffic in ambernath, ambermath news, traffic news,
अंबरनाथमधील अतिरिक्त एमआयडीसी रस्ते भागात दररोजच्या वाहन कोंडीने प्रवासी हैराण
stray dogs, Nagpur,
मोकाट श्वानांचा त्रास; व्यवस्थापनासाठी नागपूर महापालिका

हेही वाचा – उलवे, खारघर, तळोजासह द्रोणागिरीला पाणी पुरवठा शुक्रवार ते शनिवार बंद राहणार

नेरुळ जेट्टीच्या नामफलकाला धडकून ४ फ्लेमिंगोंचा मृत्यू झाल्याची घटना घडली होती. याबाबत पर्यावरणप्रेमींनी सिडको प्रशासनाविरोधात तीव्र संताप व्यक्त केला होता. त्यानंतर सिडकोने या ठिकाणचा नामफलक हटवला होता. आता परवानगी नसताना सौर दिवे महापालिकेने लावले आहेत.

नवी मुंबई शहराला फ्लेमिंगो सिटी संबोधण्यात येत असून शहरभर महापालिकेने फ्लेमिंगोंच्या प्रतिकृती लावल्या आहेत. याच फ्लेमिंगोचा अधिवास असलेल्या पाणथळी नसल्याचे दाखवण्यात आल्याने महापालिका प्रशासन सिडको व राज्य शासन यांच्याविरोधात पर्यावरणप्रेमींमध्ये संताप होता.

१४.७४ हेक्टर क्षेत्र व्यापलेला चाणक्य तलाव आणि त्याच्या आजूबाजूचे खारफुटीचे क्षेत्र सिडकोच्या अधिपत्याखाली येते. मुंबई उच्च न्यायालयाने सिडकोला आपल्या ताब्यातील सर्व खारफुटी प्रदेश वनविभागाच्या कांदळवन कक्षाकडे हस्तांतरित करण्याचे निर्देश देऊनही सिडको जाणीवपूर्वक ठाणे खाडी हस्तांतरण करण्यास टाळाटाळ करत आहे. तसेच सिडकोचाच चाणक्य तलाव बुजवण्याचा छुपा प्रकार असल्याचा आरोप निसर्गप्रेमींनी केला. पालिकेनेही या जमिनीवर टाकलेले पाणथळ आरक्षण हटवल्याने आधीच पर्यावरणप्रेमींमध्ये याबाबत संताप असतानाच आता पालिकेने या ठिकाणी सौरऊर्जेवरील पथदिवे लावले आहेत. त्यामुळे हा बेकायदा प्रकार असून संबंधित पालिका अधिकाऱ्यांवर कारवाई करण्याची मागणी केली आहे.

महापालिकेच्या माध्यमातून सौर ऊर्जेवरील पथदिवे लावण्यात आल्याच्या ठिकाणाची व या एकंदारीतच प्रकाराची माहिती घेऊन योग्य ती कार्यवाही करण्यात येईल. – डॉ. कैलास शिंदे, आयुक्त, नवी मुंबई महापालिका

हेही वाचा – पावसाळ्यापूर्वी कामोठे, कळंबोलीत नालेसफाईला सुरूवात आयुक्तांचा अचानक काम पाहणी दौरा

नेरुळ येथील टी एस चाणक्य तलावात दररोज हजारो फ्लेमिंगो येत आहेत. आता कांदळवन क्षेत्रात सौरऊर्जेवरील पथदिवे लावले आहेत. त्यामुळे नवी मुंबई महापालिका व संबंधित ठेकेदारावर गुन्हा दाखल करायला हवा. बफर झोनमध्ये कोणतेच काम करता येत नसताना पालिकेने नियमबाह्य पद्धतीने सौरऊर्जेवरील पथदिवे लावले आहेत. – सुनील अग्रवाल, पर्यावरणप्रेमी

फ्लेमिंगोंना सौरऊर्जेवरील पथदिव्यांचा अडथळाच निर्माण होणार आहे. संबंधित पालिका अधिकाऱ्यांवर कारवाईची मागणी करावी. लाखो किलोमीटरचा प्रवास करून हे फ्लेमिंगो या ठिकाणी येतात तेथे सौरऊर्जेवरील पथदिवे आणि तेही पाणथळ जागेत हा अत्यंत चुकीचा प्रकार आहे. – रोहित जोशी, पर्यावरणप्रेमी