पावसामुळे उरणच्या हवा गुणवत्ता निर्देशांकात सुधारणा; हवा निर्देशांक ३० च्या दरम्यान

गेल्या अनेक महिन्यापासून उरण यामध्ये २०० पेक्षा वर हवेचा निर्देशांक नोंदविण्यात येत होता. ही हवेची प्रदुषित मात्रा मानवी शरीसाठी अतिशय हानीकारक आहे. बदलत्या वातावरणात वाढते तापमान आणि आद्रतेत ही वाढ झाले आहे. हवेतील वाढते धुळीचे प्रमाण याचा परिणाम येथील नागरिकांच्या शरीरावर परिणाम होत आहे.

गेल्या काही वर्षापासून उरण हे देशातील हवेतील धुळीकणाच्या कक्षेतील शहरांत नोंदविण्यात आला आहे. अनेकदा अतिशय धोकादायक असलेल्या हवेचा निर्देशांक(ए क्यू आय) ३०० पार पोहचला होता. ही आकडेवारी हवेतील प्रदूषणाची उच्च पातळी व मानवी शरीरास धोकादायक मानली जात आहे. हवेतील या वाढत्या प्रदूषणामुळे उरण मधील नागरिकांच्या आरोग्याला धोका निर्माण झाला आहे. तर जागतिक आरोग्य संस्थेने दक्षता घेत येथील नागरीकांनी मुखपट्टीचा वापर करण्याची सूचना करण्यात येत आहे. यामुळे पर्यावरणवाद्यांनी त्यावेळी चिंता व्यक्त केली होती.

हवेची गुणवत्ता पात्रता

हवेतील प्रदूषणाची मात्र ही

• ० ते ५० चांगली
• ५० ते १०० मध्यम
• १०० ते १५० आजारी व श्वसन विकारासाठी हानिकारक
• तर १५० ते २०० ची मात्र ही आरोग्यास प्रचंड हानिकारक मानली जाते.

या मात्रेनुसार उरणच्या हवेतील प्रदूषणाची मात्र ही माणसासाठी प्रचंड हानिकारक बनली आहे. या हवेतील वाढत्या प्रदूषणामुळे उरण मधील जेष्ठ नागरिक व लहान मुलांना श्वसनाचे आजार जडू लागले आहेत. त्यामुळे सामान्य नागरिकांना मुखपट्टी(मास्क)लावण्याची सूचना करण्यात आल्या आहेत. पावसामुळे हवेतील धुळीकणाचे प्रमाण कमी झाले आहे. त्यामुळे हवेच्या प्रदूषणात घट झाली आहे. परिणामी हवा गुणवत्ता निर्देशांक पर्यावरणीय बनला असलाच्याची माहिती महाराष्ट्र प्रदूषण नियंत्रण मंडळाचे विभागीय अधिकारी सतीश पडवळ यांनी दिली आहे.