वाशीतील सांस्कृतिक वास्तूच्या आसन व्यवस्थेच्या दुरुस्तीची गरज, मराठी साहित्य मंडळाकडून मदतीचे आवाहन

सभागृहात होणारे कार्यक्रम

मराठी साहित्य, संस्कृती आणि कला मंडळ सभागृहात वसंत व्याख्यानमालेला सुरुवात झाली. या सभागृहात वक्तृत्व स्पर्धा, निबंध स्पर्धा, पुस्तक प्रकाशन, विविध नाटकांचे प्रयोग होत असतात. त्याचप्रमाणे विविध शैक्षणिक उपक्रमांचेदेखील आयोजन केले जाते. दर महिन्याच्या चौथ्या शनिवारी साहित्य, सांस्कृतिक कार्यक्रम आयोजित केला जातो. दर वर्षाला विनाशुल्क ३५ ते ४० कार्यक्रम पार पडतात.

खर्च किती?
प्रत्येक नव्या खुर्चीचा अंदाजे खर्च पाच हजार रुपये इतका आहे. परंतु जुन्या खुर्च्यांची दुरुस्ती आणि नव्या रंगरूपासाठी प्रतिखुर्ची १५०० रुपये इतका खर्च अपेक्षित आहे. या सभागृहात एकूण ५१५ खुर्च्या आहेत. प्रत्येक साहित्यप्रेमीने किमान एक खुर्ची दुरुस्त करण्यासाठी १५०० रुपये योगदान द्यावे, असे आवाहन मंडळाच्या वतीने करण्यात आले आहे. अधिक माहितीसाठी ९८२०५७०२९४ या क्रमांकावर संपर्क साधावा.

प्रतिक्रिया

करोनानंतर मंडळाला आर्थिक गरज भासू लागली. विष्णुदास भावे सभागृहाच्या खुर्च्या सभागृहात बसविण्यात आल्या होत्या. सभागृहात बसविलेल्या खुर्च्यांना ३० वर्षे उलटून गेली आहेत. त्यांच्या दुरुस्तीसाठी प्रत्येक साहित्यप्रेमींनी एक खुर्चीसाठी आर्थिक मदत केल्यास आसन व्यवस्था दुरुस्तीचे काम लवकर पूर्ण होईल. सुभाष कुलकर्णी, अध्यक्ष, मराठी साहित्य संस्कृती व कला मंडळ