जिल्हाधिकारी यांच्या संकल्पनेतून जिल्ह्यामध्ये “शाळा तिथे दाखला” महत्वाकांक्षी मोहीम राबविण्यात येणार

मुख्यमंत्री देवेंद्र फडणविस व महसूल मंत्री चंद्रशेखर बावनकुळे यांच्या संकल्पनेतून महसूल विभागाकडून जनतेसाठी देण्यात येणाऱ्या सेवा व विभागामार्फत राबविण्यात येणाऱ्या विविध योजना विषयी राज्यातील नागरीकांना माहिती प्राप्त होऊन त्याचा योग्य लाभ घेता यावा तसेच शासनाच्या विविध योजना यशस्वीपणे राबविणाऱ्या व महसूल प्रशासनात उत्कृष्टपणे काम करणाऱ्या कर्मचारी अधिकाऱ्यांच्या पाठीवर शाबासकीची थाप मिळावी यासाठी राज्यात महसूल विभागामार्फत १ ते ७ ऑगस्ट या कालावधीत ‘महसूल सप्ताह -2025’ साजरा करण्यात येत आहे.

महसूल सप्ताह अंतर्गत 7 दिवसात प्रत्येक दिवशी जनतेच्या हिताचे विविध कार्यक्रम घेणेत येत आहेत.१ ऑगस्ट रोजी “महसूल दिन साजरा करणे व महसूल सप्ताह शुभारंभ होणार असून “महसूल संवर्गातील कार्यरत, सेवानिवृत्त अधिकारी, कर्मचारी संवाद उत्कृष्ट अधिकारी, कर्मचारी पुरस्कार वितरण व मान्यवरांच्या हस्ते लाभार्थ्यांना विविध प्रमाणपत्र वितरण समारंभाचे आयोजन करण्यात येणार आहे.

२ ऑगस्ट रोजी “शासकीय जागेवर सन २०११ पूर्वीपासून रहिवासी प्रयोजनार्थ अतिक्रमण असलेल्या कुटूंबांपैकी अतिक्रमण नियमानुकूल करण्यास पात्र असलेल्या कुटूंबाना या अतिक्रमित जागांचे पटटे वाटप करणेबाबत कार्यक्रम आयोजित करण्यात आला आहे. ३ ऑगस्ट रोजी पाणंद, शिवारस्त्यांची मोजणी करुन त्यांच्या दुतर्फा झाडे लावणे लावण्याचा उपक्रम हाती घेण्यात येणार असून ४ ऑगस्ट “छत्रपती शिवाजी महाराज महाराजस्व अभियान प्रत्येक मंडळनिहाय राबविणे चे योजिण्यात आले आहे.

५ ऑगस्ट ऑगस्ट रोजी “विशेष सहाय्य योजनेतील डीबीटी न झालेल्या लाभार्थ्यांना घरभेटी करुन डीबीटी करुन अनुदानाचे वाटप करण्यात येणार आहे. ६ ऑगस्ट रोजी शासकीय जमिनींवरील अतिक्रमणे निष्कासित करणे व त्या अतिक्रमणमुक्त करणे तसेच शर्तभंग झालेल्या जमिनींबाबत शासन धोरणानुसार (नियमानुकूल करणे/सरकारजमा करणे) निर्णय घेण्याचे योजिण्यात आले असून सप्ताहाच्या अखेरच्या दिवशी ७ऑगस्ट रोजी एम सँड धोरणाची अंमलबजावणी करणे व नवीन मानक कार्यप्रणालीप्रमाणे धोरण पूर्णत्वास नेणे आणि महसूल सप्ताह सांगता समारंभ करण्यात येणार आहे.

या कार्यक्रमाअंतर्गत २०११ च्या पूर्वीपासून शासकीय जमिनीवर असलेली अतिक्रमणे नियमानुकूल करणे, पाणंद, शिवरस्त्यांची मोजणी करुन दुतर्फा वृक्षलागवड करणे, विशेष सहाय्य योजनेतील लाभार्थ्यांचे आधार कार्ड व केवायसी न झाल्यामुळे अप्राप्त अनुदान घरभेटी करुन वाटप करणे, तसेच ‘छत्रपती शिवाजी महाराज महाराजस्व अभियाना अंतर्गत’ मंडळ निहाय अभियांन राबविण्यात येत असून प्रलंबित असलेले वारस नोंद व इतर फेरफार करण्यात येणार आहेत.

तसेच महसूल सप्ताहांच्या शुभारंभाच्या दिवशी म्हणजेच 1 ऑगस्ट रोजी 59 लाभार्थींना वनपटटयाचे वाटप करण्यात येणार आहे या सप्ताह अंतर्गत विविध कार्यक्रमांची मोहीम यशस्वी व्हावी म्हणून कोकण विभागाचे विभागीय आयुक्त विजय सुर्यवंशी यांनी दूरदृष्य प्रणाली द्वारे मार्गदर्शन केले. तसेच पालघर च्या जिल्हाधिकारी डॉ. इंदु राणी जाखड यांनी सर्व उपजिल्हाधिकारी, उपविभागीय अधिकारी, तहसिलदार व सर्व अधिकारी, कर्मचारी यांची बैठक घेऊन योग्य ते नियोजन करुन महसूल सप्ताह मोहीम यशस्वी राबविणेसाठी मार्गदर्शन केले. सदर बैठकीला अपर जिल्हाधिकारी भाऊसाहेब फटांगरे, निवासी उपजिल्हाधिकारी सुभाष बागडे, उपजिल्हाधिकारी महेश सागर, उपजिल्हाधिकारी रणजीत देसाई सर्व उपविभागीय अधिकारी व तहसिलदार उपस्थित होते.