जिल्ह्यातील काही भागांतील प्राथमिक शाळा बंद

शहरी भागातील अनेक नागरिकांनी प्रत्यक्ष तपासणी करण्याऐवजी थेट खासगी डॉक्टरांकडून  औषधोपचार सुरू केले असल्याची माहिती पुढे येत आहे. खोकला, घसा दुखणे, ताप, अंगदुखी अशा लक्षणाचे अनेक रुग्ण जिल्ह्यात विविध ठिकाणी सध्या आढळून येत आहेत. कामानिमित्त प्रवास करणाऱ्या तसेच गर्दीच्या ठिकाणी एकत्र येणाऱ्या नागरिकांमध्ये आजाराचा प्रसार होत असून आठवडा बाजार तसेच इतर बाजारपेठांमध्येदेखील गर्दीच्या माध्यमातून आजाराचा प्रसार होत असल्याचे दिसून आले आहे. शासनाने महाविद्याालय  बंद करण्याचे आदेश देण्यापूर्वी पालघर जिल्हा प्रशासनाने शिशुवर्ग बंद केले होते. जिल्हा प्रशासनाने आता नागरी व औद्योगिक क्षेत्रामधील प्राथमिक शाळा बंद केल्या असून ज्या ठिकाणी आजाराचा प्रसार वाढेल, अशा ठिकाणी आवश्यकतेनुसार उपाययोजना म्हणून शैक्षणिक संस्था बंद करायची निर्णय घेतला जाईल, असे जिल्हा प्रशासनाकडून सांगण्यात आले आहे.