scorecardresearch

Premium

दापचारी तपासणी नाक्यावर वाहतूक कोंडी

दापचरी सीमा तपासणी नाक्यावरील मुंबई वाहिनीवर मोठ्या प्रमाणात वाहतूक कोंडी होत असल्याचे दिसून येत आहे.

Traffic at Dapchari check post
तपासणी नाक्यावर वाहतूक कोंडी होत असून यामुळे वाहनचालकांना तासंतास रांगेत उभे राहावे लागत आहे.(फोटो- लोकसत्ता टीम)

विजय राऊत, लोकसत्ता वार्ताहर

कासा: दापचरी सीमा तपासणी नाक्यावरील मुंबई वाहिनीवर मोठ्या प्रमाणात वाहतूक कोंडी होत असल्याचे दिसून येत आहे. तपासणी नाका प्रशासन आणि संबंधित प्रशासकीय यंत्रणांच्या असमन्वयामुळे तपासणी नाक्यावर वाहतूक कोंडी होत असून यामुळे वाहनचालकांना तासंतास रांगेत उभे राहावे लागत आहे. शिवाय छोटी वाहने आणि आपत्कालीन सेवा देणाऱ्या वाहनांना मोठ्या अडचणींचा सामना करावा लागत आहे.

Traffic congestion Bhayander
भाईंदर : बोर्डाच्या परीक्षेच्या तोंडावर वाहतूक कोंडीचा त्रास, जागोजागी सुरु असलेल्या खोदकामामुळे नागरिक त्रस्त
chunabhatti hindu cemetery in worse condition
मुंबई: चुनाभट्टी स्मशानभूमीची दुरावस्था
Shortage of pulses and the challenge of food inflation
Money Mantra : क कमॉडिटीचा : कडधान्य व्यापाऱ्यांची ‘ऐशीतैशी’; आत्मनिर्भरतेचा चंग
state and central government authority, responsibility, Alibag Vadkhal road, Bad condition
अलिबाग वडखळ मार्ग नेमका कोणाचा? दुरुस्तीच्या कामात यंत्रणांची टोलवाटोलवी

आज (२९ नोव्हेंबर रोजी) संध्याकाळी ६ ते ७ वाजताच्या दरम्यान मुंबई वाहिनीवर साधारण ४ ते ५ किलोमीटर पर्यंत वाहनांच्या रांगा लागल्या असून यामुळे छोटी वाहने विरुध्द दिशेने प्रवास करत असल्याचे दिसून आले. जाणकारांनी दिलेल्या माहितीनुसार याठिकाणी रोजच वाहतूक कोंडी होत असून छोट्या वाहनांचा उलट दिशेने प्रवास सुरू असल्यामुळे प्रसंगी अपघाताचा धोका निर्माण होत आहे. त्यामुळे रोजच्या वाहतूक कोंडीवर ठोस उपाययोजना करण्याची गरज व्यक्त होत आहे.

आणखी वाचा-पालघर जिल्ह्यातील किनारा लगतच्या ३९ गावांना मिळणार भुयारी विद्युत वाहिनीद्वारे वीजपुरवठा

तपासणी नाक्यावर सध्या मुंबई वाहिनी १० पैकी एकच वजन काटा बंद असून गुजरात वाहिनीवर १२ पैकी दोन वजन काटे बंद आहेत. त्यामुळे दोनही वाहिनीवर वाहतूक कोंडीची समस्या निर्माण होत असून याविषयी प्रादेशिक परिवहन विभागाकडून देण्यात आलेल्या माहितीनुसार तपासणी नाका प्रशासनाशी वारंवार पत्रव्यवहार करून देखील यावर ठोस उपाय करण्यात येत नसल्याची माहिती प्रादेशिक परिवहन विभागाकडून देण्यात येत आहे.

Latest Comment
View All Comments
Post Comment

Palghar News (पालघर न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Traffic at dapchari check post mrj

First published on: 29-11-2023 at 21:46 IST

आजचा ई-पेपर : पालघर

वाचा
epaper image

संबंधित बातम्या

तुम्ही या बातम्या वाचल्या आहेत का? ×