Latest Photo Galleries, Trending Viral Photos | Entertainment and Celebrity Pictures | Lifestyle, Sports, Travel, Health, News Photo Galleries

अनुकूलतेची चाहूल : अमावास्या तुमच्याच राशीतून होत आहे. मागील अनुभवातून शिकलेल्या गोष्टी विसरून चालणार नाही. इतर कोणाच्या निर्णयावर स्वत:चे मत ठरवणे योग्य राहणार नाही. विचारपूर्वक कृतीतून यश मिळेल. नोकरदार वर्गांची स्थिती ताकसुद्धा फुंकून प्यावे अशी होती. सध्या या अवस्थेतून बाहेर पडाल. चलबिचलता कमी होईल. कामात मन गुंतेल. उद्योगधंद्यात मात्र अनुकूलतेची चाहूल लागेल. व्यवसायात जोम आणि उत्साह टिकवून ठेवण्यासाठी प्रयत्नशील राहाल. आतुरतेने वाट पाहत असलेली संधी चालून येईल. आर्थिकदृष्ट्या शुभ पडघम वाजू लागतील. सामाजिक क्षेत्रात सामोपचाराने तोडगा काढला जाईल. शेजारी धर्माशी हितसंबंध चांगले राहतील याची काळजी घ्या. मानसिक कणखरपणा कायम टिकवून ठेवा. आरोग्याचा त्रास कमी होईल. शुभ दिनांक : १३, १४ महिलांसाठी : मन प्रसन्न ठेवा. (स्मिता अतुल गायकवाड)नियोजनाप्रमाणे चाला : अमावास्या व्ययस्थानातून होत आहे. बोलण्यातून गैरसमज वाढणार नाही, याची काळजी घ्या. कायदा क्षेत्रासाठी एक पाऊल मागे आलेले चांगले. सप्ताहात कोणाला जामीनदार होण्यासाठी शब्द देऊ नका. न जमणाऱ्या गोष्टींसाठी आश्वासन देणे योग्य होणार नाही. नोकरदार वर्गाने नियोजनाप्रमाणे चाला. वरिष्ठांनी ठरवून दिलेल्या कामामध्ये परवानगीशिवाय बदल करू नका. व्यावसायिकदृष्ट्या अनेकांशी संवाद साधावा लागेल. व्यापारी क्षेत्रात पुढे जाण्याचा मार्ग मोकळा होऊ लागेल. त्यातूनच एखादी संधी मिळेल. खर्चाची बाजू योग्य पद्धतीने हाताळल्यास आर्थिक प्रकरणात मनासारखी दिशा मिळेल. सार्वजनिक ठिकाणी जुन्या ओळखीचा उपयोग होईल. सहकाऱ्यांच्या माध्यमातून स्वतङ्मचे स्वप्न पूर्ण करू शकाल. कौटुंबिकदृष्ट्या समाधानाचे वारे वाहू लागेल. आहारावर योग्य ते नियंत्रण ठेवा. शुभ दिनांक : ९, १५ महिलांसाठी : आपल्या यशस्वी कामातून आपली ओळख होईल.स्वतःला सिद्ध कराल : अमावास्या लाभस्थानातून होत आहे. नवे मार्ग मिळायला सुरुवात होईल. ओळखीचा उपयोग करून घ्याल. रखडलेल्या योजनांना मार्ग मिळेल. चारी बाजूने असणारी जबाबदारी योग्यरीत्या पार पाडाल. नोकरदार वर्गांला सामुदायिक कामांमध्ये थोडी उसंत मिळेल. काही व्यक्तींना तुमच्या मार्गदर्शनाची गरज भासेल. लहान-मोठ्या संधीतून वेगळी उपलब्धता निर्माण करता येईल. भागीदारी व्यवसायात कोणालाही न दुखावता व्यवहाराचे गणित अचूक करा. नवीन व मोठ्या गुंतवणुकीचे पर्याय स्वीकारू नका. व्यवसायामधील उत्पादनाची गरज लक्षात घ्या. त्यानुसारच पावले उचला. आर्थिकदृष्ट्या भावनिक गोष्टींना थारा देऊ नका. मित्रांविषयी वाटणारी काळजी कमी होईल. मुलांच्या आरोग्याचा प्रश्न सुटेल मिटेल. कौटुंबिकदृष्ट्या स्वतङ्मला सिद्ध कराल. आरोग्य उत्तम राहील. शुभ दिनांक : ९, १२ महिलांसाठी : खर्चावर नियंत्रण ठेवा.यश लाभेल : चंद्रग्रहाचे भ्रमण भाग्यस्थानातून लाभस्थानाकडे होत आहे. अगदी आखून ठेवल्याप्रमाणे कामाचे व्यवस्थापन घडत आहे, याचा अनुभव सप्ताहात येईल. किचकट गोष्टींचा सामना कमी होत गेल्याने, एक उत्साहाचे वातावरण निर्माण होईल. अमावास्या दशमस्थानातून होत आहे. नोकरीमध्ये आगामी काळाचे अपेक्षित फळ मिळेल. पत्रव्यवहारातून होणारा नवा बदल सकारात्मक विचार वाढवणारा असेल. व्यापारी वृद्धीच्या प्रयत्नांना यश मिळेल. नवीन व्यवसायासाठी व्यक्तिगत महत्त्वाचे निर्णय मात्र उशिरा घेतलेले चांगले. वैद्यकीय क्षेत्रातील वर्गाला यश येईल. संशोधनात्मक गोष्टींमध्ये मोठे कौतुक होईल. पैशांची कामे होत राहतील. सामाजिक क्षेत्रात होत असणारी मदत योग्य कारणी लावताना समाधान वाटेल. कौटुंबिक जीवनात स्वतङ्मच्या मर्यादा पाळल्यास आनंददायी घटना अनुभवाल. प्रकृती स्वास्थ्य ठणठणीत राहील. शुभ दिनांक : ९, १३ महिलांसाठी : नवे काही शिकण्याचा छंद जोपासाल.प्रगतीचा मार्ग मिळेल : अमावास्या भाग्यस्थानातून होत आहे. या कालावधीत आध्यात्मिक गोष्टींमध्ये मन रमेल. ग्रहांचा शुभ परिणाम पाहावयास मिळेल. नोकरदार वर्गाची त्रासातून मुक्तता होईल. पोलीस, लष्करी ,अग्निशामक खात्यातील व्यक्तींचा प्रतिकूल काळ कमी होईल. वरिष्ठांचे सहकार्य उत्तम मिळेल. भागीदारी व्यवसायात परिवर्तन घडेल. नव्याने एकत्रित भांडवल गुंतवताना व्यवहाराला महत्त्व द्या. उत्पन्नाचा काही भाग स्वतङ्मच्या गुंतवणुकीत करा. व्यापारी क्षेत्रातील आशादायक काळ लवकरच भरारी घेईल. आर्थिकदृष्ट्या लाभदायक प्रगतीचा मार्ग मिळेल. राजकीय क्षेत्रात विरोधकांची बौद्धिक क्षेत्रातील मक्तेदारी मोडून काढण्यात यशस्वी व्हाल. मुलांच्या गैरव्यवहाराला वेळीच आवर घाला. वैवाहिक जीवनात जुन्या आठवणी जाग्या होतील. नातेवाईकांकडून सुवार्ता समजतील. किरकोळ वाटणारे शारीरिक त्रास कमी होतील. शुभ दिनांक : १४, १५ महिलांसाठी : पळापळ कमी होईल.स्वकर्तृत्वावर विश्वास : अमावास्या अष्टमस्थानातून होत आहे. मनाची मानसिक दुविधा कमी करा. कोणतेही निर्णय घेण्यापूर्वी विचार करा. शांतपणे अंमलबजावणी करा. नोकरदार वर्गाने कामाची सांगड घालताना वरिष्ठांशी वाद होणार नाहीत, याची काळजी घ्या. आळस झटकून कामाला लागा. व्यापारी क्षेत्रात इतरांना दिलेली आश्वासने पूर्ण कराल. मार्गस्थ झालेल्या गोष्टींमध्ये यश मिळेल. अनेक सुविधा वेळेवर उपलब्ध होतील. पैशांचे व्यवहार करताना लोभी व धूर्त लोकांपासून लांब राहा. राजकीय क्षेत्रात वादाच्या मुद्द्याला हात घालू नका. जोडीदाराची साथ संगत चांगली राहील. भावंडांना असणारी अडचण कमी करण्याचा प्रयत्न करा. कौटुंबिकदृष्ट्या स्वकर्तृत्वावर विश्वास ठेवा. अध्यात्मिक गोष्टीत मन रमेल. सकस आहार व शारीरिक व्यायाम करा. शुभ दिनांक : १३,१४ महिलांसाठी : रागावर नियंत्रण ठेवा.कामावर पकड ठेवा : चंद्र ग्रहाचे भ्रमण षष्ठस्थानातून अष्टमस्थानाकडे होत आहे. अमावस्या सप्तमस्थानातून होत आहे. अफवांवर विश्वास ठेवून गैरसमज वाढवून घेऊ नका. बोलण्यातून इतरांना त्रास होणार नाही, याची काळजी घ्या. ज्या गोष्टीचा अंदाज तुम्हाला नाही त्याविषयी वाच्यता करू नका. नोकरदार वर्गाने मनाची चलबिचलता कमी करा. कामावर लक्ष केंद्रित करा. सध्याच्या परिस्थितीचा आढावा घेत काळजी न करता पुढे जा. व्यावसायिकदृष्ट्या धैर्य बाळगा. ठरवलेले कामकाज पुन्हा विकसित करण्यासाठी वेळ पाहावी लागत असली तरी ती पूर्ण करण्याचे ध्येय मात्र सोडू नका. कामावर पकड ठेवा. उशिरा का होईना त्याचे फळ मिळेल. आर्थिक सतर्कता बाळगणे हिताचे राहील. राजकीय क्षेत्रात वरिष्ठांशी नम्रतेने बोला. घरगुती गोष्टी चव्हाट्यावर आणू नका. प्रकृतीची काळजी घ्या. शुभ दिनांक : १४, १५ महिलांसाठी : घाईगडबडीने कोणतेही काम करू नका.नियम पाळा : अमावस्या षष्ठस्थानातून होत असताना मानसिक मनोबल वाढवा. विस्कळीत घडी रुळावर येण्यासाठी प्रयत्नशील राहा. ग्रहस्थिती सरळ मार्गे नसली तरी अवघडही नाही. आत्मविश्वास ठाम ठेवून कार्य करा. नोकरदार वर्गाला कामाची व्याप्ती वाढलेली असेल. मात्र मर्यादा लक्षात घ्या. नियमांच्या चौकटीत राहून कामे करा. कोणत्याही कृतीची अंमलबजावणी करताना सत्यता पडताळून पाहा. व्यापारी क्षेत्रात दुसऱ्याला शब्द देताना व्यवहार जपून करा. प्रसंगात घाईगडबड करणे टाळा. अति धाडस करू नका. खर्च कमी करून आर्थिक बचत वाढवण्याकडे लक्ष द्या. सामाजिक क्षेत्रात संतुलन राखा. कौटुंबिकदृष्ट्या तणाव वाढणार नाही यासाठी प्रयत्नशील राहा. मानसिक ताणतणाव टाळा. आरोग्याचे तंत्र बिघडू देऊ नका. शुभ दिनांक : ९, १५ महिलांसाठी : वडीलधाऱ्या व्यक्तींची काळजी घ्या.सूत्रसंचालन करा : अमावस्या पंचमस्थानातून होत आहे. अनोळखी व्यक्तींपासून येणारा प्रस्ताव स्वीकारणे योग्य ठरणार नाही. काही बाबतीत विलंब गृहीत धरलेला चांगला असेल. स्वत:ची शिस्त व नियम मोडू नका. नोकरदार व्यक्तींनी वास्तवतेला महत्त्व देत अंमलबजावणी करा. मागे केलेल्या कामांमधील चुका दुरुस्त होतील, त्यामुळे कामावरचा ताण हलका होईल. उद्योगधंद्यात बदल करायची घाई करू नका. सध्या शांत राहणे पथ्यावर पडेल. भागीदारी व्यवसायात होणाऱ्या निर्णयात प्रत्यक्ष सहभागी व्हा. व्यापारी क्षेत्रात योग्य व्यक्तींच्या माध्यमातून अपेक्षित कामे पूर्ण करू शकाल. आर्थिक गुंतवणूक करताना लांबचा विचार करावा लागेल. राजकीय क्षेत्रात महत्त्वाच्या बाबींवर चर्चा करताना योग्य असे सूत्रसंचालन करा. कोणतेही निर्णय घेताना घरातील सगळ्यांचे एकमत करण्यावर भर द्या. आरोग्य जपा. शुभ दिनांक : ९, १५ महिलांसाठी : धार्मिक कृत्यांमध्ये मन रमेल.परिवर्तन घडेल : अमावस्या चतुर्थ स्थानातून होत आहे. अमावस्या कालावधीत घरातील ज्येष्ठांशी बोलताना सकारात्मकता ठेवा. ग्रहमान संमिश्र स्वरूपाचे असेल. नोकरदारांना कामाचे परीक्षण करून आढावा घ्यावा लागेल. कामात शिथिलता ठेवून चालणार नाही. अनपेक्षित असे परिवर्तन घडून येईल. व्यापारी क्षेत्रात सुलभता येईल. उद्योगधंद्यांना होणारा तोटा कमी होईल. कारखानदारीचे प्रश्न मार्गी लागण्याचे संकेत दिसू लागतील. नियम व अटींचे पालन करावे लागेल. यशाचे प्रमाण वाढलेले असेल. वित्तहानी कमी होईल. आर्थिक गुंतवणूक वाढेल. सामाजिक क्षेत्रात सामोपचाराने तोडगा निघेल. मुलांसोबत करमणूक कराल. भावंडांविषयी असलेली चिंता मिटेल. आध्यात्मिकदृष्ट्या मनोबल वाढवा. जुन्या व्याधींचा त्रास कमी होईल. शुभ दिनांक : १४, १५ महिलांसाठी : पुढील गोष्टींचे आधीच नियोजन करा.कामांना गती मिळेल : अमावस्या पराक्रम स्थानातून होत आहे. इतरांशी संवाद कौशल्य जपून करा. नोकरदार वर्गाला वेळेनुसार कामकाज करणे चांगले जमेल. कामातील चिवटपणा स्थिर राहण्यास मदत होईल. अनेक गोष्टींचे तर्कवितर्क करणे सोपे जाईल. वरिष्ठांचे वर्चस्व चांगले राहील. व्यावसायिकदृष्ट्या रचनात्मक बदल होतील. अवघड गोष्टी सोप्या होऊ लागतील. पुढील नियोजन ठरवणे आता अडचणीचे वाटणार नाही. आखलेल्या योजना प्रत्यक्षात दिसू लागतील. प्रलंबित कामांना गती मिळेल. आर्थिक गोष्टींचा त्रास कमी होईल. धनाचे मार्ग मोकळे होतील. राजकीय घडामोडींचा आढावा घेताना, सतर्कता बाळगल्याने प्रत्येक गोष्ट पद्धतशीरपणे हाताळाल. कौटुंबिकदृष्ट्या अनुकूल वातावरण असेल. जोडीदाराशी असलेले मतभेद कमी होतील. प्रकृती ठणठणीत ठेवण्याचा प्रयत्न कराल. शुभ दिनांक : ९, १५ महिलांसाठी : निरीक्षणशक्ती उत्तम राहील.प्रशंसा होईल : अमावस्या धनस्थानातून होत आहे. व्यक्तिगत उलाढाली वाढवण्यासाठी समयसूचकता ठेवा. संयम सोडून चालणार नाही. बोलताना शब्दातील धार कमी करा. नोकरदार वर्गांची कामातील दगदग कमी होईल. महत्त्वाचे करार करण्यास योग्य वेळ आहे. या संधीचा फायदा घेऊन वरिष्ठांशी बोलून घ्या. कालांतराने बदलणारे स्वरूप यशाचा प्रकाश देणारे ठरेल. व्यापारी वर्गाने स्वत:ला मोबदला कसा मिळेल, याकडे लक्ष द्या. इतरांशी स्पर्धा करणे टाळा. हिशोबाचे ताळतंत्र चुकणार नाही याची दक्षता घ्या. फायद्याचे प्रमाण वाढावे म्हणून लोभ वाढवू नका. व्यावहारिक गोष्टींना महत्त्व द्या. आर्थिक चक्र सुरळीत चालू होईल. सामाजिक क्षेत्रात थोरामोठ्यांचा सल्ला घ्या. शेजारधर्म व भाऊबंदकी यांच्याकडून तुमच्या कामाबद्दल प्रशंसा होईल. जोडीदाराच्या भावनांचा आदर कराल. आरोग्याच्या तक्रारी दूर होतील. शुभ दिनांक: ९, १४ महिलांसाठी : अधिक पाठपुरावा करणे टाळा.