पुण्यात एका दिवसात आढळले १०७३ नवे करोना रुग्ण, पिंपरीत ९७८ रुग्ण

पिंपरी-चिंचवड शहरात आज दिवसभरात नव्याने ९७८ जण करोना बाधित रुग्ण आढळले असून २० जणांचा मृत्यू झाला आहे. तर ७०५ जण आज करोनामुक्त झाले असून त्यांना डिस्चार्ज देण्यात आला आहे. पिंपरी-चिंचवड शहरातील बाधित रुग्णांची एकूण संख्या ३५ हजारांच्या उंबरठ्यावर असून ३४ हजार ४४७ वर पोहचली आहे. पैकी २४ हजार ३७७ जण करोनामुक्त झाले आहेत. महानगर पालिकेच्या रुग्णालयातील सक्रिय रुग्णांची संख्या ५ हजार ९४ एवढी आहे अशी माहिती महानगर पालिकेच्या आरोग्य विभागाने दिली आहे.