पुण्यात एकाच दिवसात ३२८ करोना रुग्ण तर पिंपरीत १६१ नवे रुग्ण

पिंपरी-चिंचवड शहरात आज दिवसभरात १६१ करोना बाधित रुग्णांची नोंद झाली असून ७७ जण करोनामुक्त झाले आहेत. तर, दिवसभरात एक जणांचा उपचारादरम्यान मृत्यू झाला आहे. पिंपरी-चिंचवड शहरातील एकूण बाधित रुग्णांची संख्या ९५ हजार २३१ वर पोहचली असून पैकी ९१ हजार ७८४ जण करोनातून ठणठणीत बरे झाले आहेत. पिंपरी-चिंचवड महानगर पालिकेच्या रुग्णालयात उपचार घेत असलेल्या सक्रिय रुग्णांची संख्या ७५४ एवढी आहे अशी माहिती महानगर पालिकेच्या आरोग्य विभागाने दिली आहे.