04 August 2020

News Flash

पुण्यात दिवसभरात ९९२ नवे करोनाबाधित; १३ रुग्णांचा मृत्यू

शहरातील करोनाबाधितांची एकूण संख्या ४८ हजार ५७ वर

प्रतिकात्मक छायाचित्र

पुणे शहरात आज दिवसभरात ९९२ नवे करोनाबाधित रुग्ण आढळले, तर १३ जणांचा आज करोनामुळे मृत्यू झाला. याचबरोबर शहरातील करोनाबाधितांची एकूण संख्या ४८ हजार ५७ वर पोहचली.

आज अखेर १ हजार १६६ रुग्णांचा करोनामुळे मृत्यू झाला आहे. करोनावर उपचार घेणार्‍या १ हजार १७५ रुग्णांची तब्येत ठणठणीत असल्याने, त्या सर्वांना घरी सोडण्यात आले आहे. त्यामुळे आज अखेर २८ हजार ५९३ रुग्ण करोनामुक्त झाले असल्याची माहिती पुणे महापालिकेच्या आरोग्य विभागामार्फत देण्यात आली आहे.

देशभरासह राज्यात अद्यापही करोनाचा प्रादुर्भाव झपाट्याने वाढत असल्याचे दिसत आहे. आज दिवसभरात राज्यात तब्बल ९ हजार ४३१ नवे करोना पॉझिटिव्ह रुग्ण आढळून आले. तर, २६७ रुग्णांचा करोनामुळे मृत्यू झाल्याची नोंद झाली. याचबरोबर राज्यातील करोनाबाधितांची एकूण संख्या आता ३ लाख ७५ हजार ७९९ वर पोहचली आहे.

राज्यभरातील एकूण ३ लाख ७५ हजार ७९९ करोनाबाधितांच्या संख्येत, सध्या उपचार सुरू असलेल्या १ लाख ४८ हजार ६०१ जणांचा  व आतापर्यंत डिस्चार्ज देण्यात आलेल्या २ लाख १३ हजार २३८ जणांचा समावेश आहे. राज्यात करोनातून बरे होण्याचे प्रमाण(रिकव्हरी रेट) ५६.७४ टक्क्यांवर आले आहे. आज दिवसभरात राज्यात ६ हजार ४४ रुग्णांना डिस्चार्ज देण्यात आला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 26, 2020 10:10 pm

Web Title: 992 new corona patients in pune in a day 13 patients died msr 87 svk 88
टॅग Coronavirus
Next Stories
1 चाकण खून प्रकरण : पोलिसांची भीती राहिली नसल्याने अशा क्रूर घटना घडतात- दरेकर
2 उद्धव ठाकरे यांचे आव्हान म्हणजे स्वतःच मारायचे आणि स्वतः रडायचे : प्रवीण दरेकर
3 करोनाबाधित मुलींना रुग्णालयात घेऊन जाण्यास आलेली रुग्णवाहिका कुटुंबीयांनी परत पाठवली
Just Now!
X