पुण्याजवळील थेऊरपासून आठ किलोमीटरवर कोलवडी शिवाराजवळ हवाई दलाचे सुखोई विमान मंगळवारी संध्याकाळी कोसळले. विमान कोसळण्यापूर्वी दोन्ही वैमानिकांनी बलूनच्या साह्याने उड्या मारल्यामुळे या दुर्घटनेत कोणतीही जीवितहानी झाली नाही. थेऊरनजीक कोलवडी शिवाराजवळ मंगळवारी संध्याकाळी साडेपाचच्या सुमारास ही घटना घडली. यानंतर तातडीने हवाईदलाची हेलिकॉप्टर घटनास्थळी पाठविण्यात आली.
