News Flash

भुसार बाजार उद्यापासून बंद; खरेदीसाठी गर्दी

२० हजार क्विंटल भुसार मालाची आवक

करोना विषाणूचा फैलाव रोखण्यासाठी लागू करण्यात आलेल्या सरसकट बंदीच्या कालावधीमध्ये वाढ होऊ शकते, हे ध्यानात घेऊन मार्केट यार्ड परिसरातील भुसार बाजारामध्ये अन्नधान्याची पोती खरेदी करण्यासाठी दुकानदारांनी शनिवारी गर्दी केली होती. दुकानदारांना पोती काढून देण्यासाठी कर्मचाऱ्यांचे हात राबत होते.    (छायाचित्र : पवन खेंगरे)

२० हजार क्विंटल भुसार मालाची आवक

पुणे : पोलिसांच्या आठमुठेपणामुळे भुसार बाजारातील व्यापाऱ्यांनी सोमवारपासून (१३ एप्रिल) मार्केट यार्डातील भुसार बाजार बंद ठेवण्यात येणार असल्याने खरेदीदारांनी शनिवारी बाजारात गर्दी के ली. दरम्यान, घाऊक भुसार बाजारात शनिवारी २० हजार ७८० क्विंटल भुसार मालाची आवक झाली.

भुसार बाजार बंद ठेवण्यात येणार आहे. जीवनावश्यक वस्तूंचा तुटवडा निर्माण होण्याची शक्यता असल्याने किरकोळ बाजारातील खरेदीदार तसेच घरगुती ग्राहकांनी खरेदीसाठी गर्दी केली. घाऊक बाजारात शनिवारी भुसार मालाची मोठी आवक झाली. शहरातील किराणा माल विक्रेत्यांनी खरेदीसाठी गर्दी केली. जवळपास दोन हजार वाहनांमधून शहर तसेच उपनगरातील किरकोळ कि राणा माल विक्रेत्यांकडे भुसार माल पोहचविण्यात आला. टाळेबंदी ३० एप्रिलपर्यंत जाहीर करण्यात आल्याने भीतीपोटी मोठय़ा प्रमाणावर खरेदी होत आहे.

पोलिसांकडून घाऊक बाजारातील व्यापारी तसेच कामगारांची अडवणूक होत आहे. जिल्हाधिकाऱ्यांनी दिलेले ओळखपत्र असताना व्यापारी आणि कामगारांना पोलिसांकडून होणाऱ्या अडवणुकीला सामोरे जावे लागत आहे. त्या निषेधार्थ भुसार बाजारातील व्यापाऱ्यांची संघटना असलेल्या दी पूना र्मचट्स चेंबरकडून सोमवारपासून भुसार बाजार अनिश्चित काळासाठी बंद ठेवण्याचा निर्णय घेण्यात आला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 12, 2020 1:11 am

Web Title: bhusari market closed tomorrow crowds for shopping zws 70
Next Stories
1 डॉक्टर, रुग्णालयातील कर्मचाऱ्यांना अडवू नका
2 टाळेबंदीत पोलिसांकडून ज्येष्ठ नागरिकांना मदतीचा हात
3 जीवनावश्यक वस्तूंच्या वाहनांची अडवणूक नको
Just Now!
X