News Flash

पुण्याचे नाव जिजापूर करा, संभाजी ब्रिगेडची मागणी

औरंगाबादचे संभाजी नगर, उस्मानाबादचे धाराशिव आणि पुण्याचे जिजापूर असे नामांतर सरकारने करावे.

नुकताच उत्तर प्रदेशमधील अलाहाबादचे नाव बदलून प्रयागराज तर फैजाबादचे अयोध्या असे करण्यात आले आहे. त्यातच पुण्याचे नाव जिजापूर करण्याची मागणी संभाजी ब्रिगेडने केली आहे.

सध्या शहरांचे नावे बदलण्याचे वारे देशभरात सुरु आहे. नुकताच उत्तर प्रदेशमधील अलाहाबादचे नाव बदलून प्रयागराज तर फैजाबादचे अयोध्या असे करण्यात आले आहे. त्याच धर्तीवर पुण्याचे नाव जिजापूर करण्याची मागणी संभाजी ब्रिगेडने केली आहे. त्याचबरोबर सरकारने औरंगाबादचे नामांतर संभाजी नगर आणि उस्मानाबादचे धाराशिव करावे असेही संघटनेने म्हटले आहे. पुणे हे शहर छत्रपती शिवाजी महाराजांच्या मातोश्री जिजाबाई यांनी वसवले असल्यामुळे त्यांचेच नाव या शहराला द्यावे असे ब्रिगेडच्या नेत्यांचे म्हणणे आहे.

संभाजी ब्रिगेडच्या वतीने नामांतराच्या मागणीचे निवेदन आज पुणे जिल्हाधिकाऱ्यांना देण्यात येणार असल्याचे संघटनेचे पुणे जिल्हाध्यक्ष संतोष शिंदे यांनी दिली. ते म्हणाले, राज्यातील औरंगाबादचे संभाजी नगर, उस्मानाबादचे धाराशिव आणि पुण्याचे जिजापूर असे नामांतर सरकारने करावे. त्यामुळे सध्याच्या पिढीला छत्रपती शिवाजी महाराज आणि संभाजी महाराज यांचा इतिहास समजण्यास आधिक मदत होईल. पुणे जिल्ह्यात छत्रपती शिवाजी महाराजांचा जन्म झाला आणि पुण्यात जिजाऊंनी सोन्याचा नांगर फिरवला आहे. त्यामुळे भाजप सरकारने त्वरीत पुण्याचे नाव जिजापूर करावे.

याप्रकरणी संभाजी ब्रिगेडच्या वतीने जिल्हाधिकारी यांना लेखी निवेदन देण्यात येणार आहे. तसेच मुख्यमंत्री देवेंद्र फडणवीस यांच्याकडेही ही मागणी करण्यात येणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 12, 2018 10:00 am

Web Title: change name of pune to jijapur demand by sambhaji brigade
Next Stories
1 बंगालच्या उपसागरात ‘गज’ चक्रीवादळ
2 विद्यापीठातील ‘माहिती अधिकार’ अंमलबजावणीबाबत प्रश्नचिन्ह!
3 पाण्याच्या दरवाढीमुळे औद्योगिक कंपन्यांचा राज्यातून जाण्याचा इशारा
Just Now!
X