येरवडा कारागृहा बाहेरच उपनिरीक्षकावर गोळीबार

उपनिरीक्षक मोहन पाटील हे येरवडा कारागृहात तैनात आहेत. शुक्रवारी सकाळी आठच्या सुमारास रात्र पाळी संपवून मोहन पाटील घरी जाण्यासाठी निघाले. यादरम्यान कारागृहाबाहेर दोन अज्ञात व्यक्तींनी मोहन पाटील यांच्यावर गोळीबार केला. हल्लेखोरांनी दोन गोळ्या झाडल्या. सुदैवाने हल्लेखोरांचा नेम चुकल्याने पाटील यातून बचावले आहेत. हल्लेखोर सीसीटीव्ही कॅमेऱ्यात कैद झाले असून पोलिसांनी या आधारे तपासाला सुरुवात केली आहे. गोळीबाराच्या घटनेने येरवडा कारागृह परिसरात खळबळ उडाली असून तुरुंगाच्या सुरक्षेचा प्रश्नही चर्चेत आला आहे.