22 October 2020

News Flash

पुणे : खडकवासला १०० टक्के भरले; मुठा नदीत ३० हजार क्युसेकने पाणी सोडणार

पाणी सोडल्यानंतर नदी पात्रा लगतच्या घरांमध्ये पाणी शिरण्याची शक्यता लक्षात घेता नागरिकांना सतर्क राहण्याचे आवाहन त्यांनी केले आहे.

खडकवासला धरण

पुणे शहराला पाणीपुरवठा करणाऱ्या धरणक्षेत्रात पावसाने आज दमदार हजेरी लावली असून खडकवासला धरण १०० टक्के भरले आहे. तर सायंकाळपासून धरणातून १८ हजार क्युसेक पाणी मुठा नदीत सोडण्यात आले असून धरण क्षेत्रात मुसळधार पाऊस पडत आहे. जर असाच पाऊस पडत राहिल्यास रात्री उशीरा २५ ते ३० हजार क्युसेसने पाणी सोडण्यात येणार आहे. अशी माहिती खडकवासला धरणाचे कार्यकारी अभियंता पांडुरग शेलार यांनी दिली. पाणी सोडल्यानंतर नदी पात्रा लगतच्या घरांमध्ये पाणी शिरण्याची शक्यता लक्षात घेता नागरिकांना सतर्क राहण्याचे आवाहन त्यांनी केले आहे.

पुणे शहराला पाणी पुरवठा करणाऱ्या टेमघर, खडकवासला, वरसगाव आणि पानशेत या चार ही धरणक्षेत्रात शनिवारपासून मुसळधार पाऊस कोसळत आहे. सोमवारी पावसाचा जोर अधिक वाढल्याचे पाहावयास मिळाले. त्यामुळे पानशेत ७७.४० टक्के (८.२४ टीएमसी), टेमघर ४९.५० टक्के (१.८४ टीएमसी) तर वरसगाव ५०.२९ टक्के (६.४५ टीएमसी) भरल्याने या चारही धरणांमध्ये एकूण सुमारे ६३.४६ टक्के (१८.५० टीएमसी) पाणीसाठा झाला आहे. तर धरण क्षेत्रात जोरदार पाऊस सुरू असल्याचे जलसंपदा विभागाकडून सांगण्यात आले आहे.

मुंबई आणि कोकणात अतिवृष्टीची शक्यता, पुणे वेधशाळेचा अंदाज
राज्यातील सर्व भागात पावसाने दमदार हजेरी लावली असून यामध्ये कोकण, मुंबई, विदर्भात मुसळधार पाऊस पडला आहे. तर मध्य महाराष्ट्र, विदर्भात बहुतांश ठिकाणी उद्या मुसळधार तर मुंबई आणि कोकणात काही ठिकाणी अतिवृष्टी होणार असल्याचा अंदाज हवामान विभागाने वर्तविला आहे. तसेच पुणे शहरात पुढील चार ते पाच दिवस मुसळधार पाऊस पडणार असल्याचा अंदाज वेधशाळेने वर्तविला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 16, 2018 9:54 pm

Web Title: khadakwasla filled 100 percent 30 thousand cusecs of water in mutha river will leave
Next Stories
1 दूध दरवाढीसाठी राष्ट्रवादी काँग्रेसचे पुण्यात ‘पुंगी बजाओ’ आंदोलन
2 Pune Accident: मोठ्या भावाचे ऐकले असते तर प्रतीक वाचला असता
3 वडिलांनी प्रेमाने दिलेल्या गाडीच्या अपघातात कृष्णाचा मृत्यू
Just Now!
X