02 March 2021

News Flash

पिंपरीत स्वाईन फ्लूचे एकाच दिवशी दोन बळी

पुणे, पिंपरी- चिंचवड परिसरात सध्या स्वाईन फ्लूने थैमान घातले आहे. चिखलीतील ४८ वर्षीय महिलेला २७ ऑगस्ट रोजी रुग्णालयात दाखल करण्यात आले.

संग्रहित छायाचित्र

पिंपरी- चिंचवडमध्ये स्वाईन फ्लूमुळे एकाच दिवशी दोन जणांचा मृत्यू झाला. ४८ वर्षीय महिला आणि ४१ वर्षीय पुरुषाचा यात समावेश आहे. दोघांवर पिंपरी-चिंचवड शहरातील खासगी रुग्णालयात उपचार सुरू होते. शहरात स्वाईन फ्लूमुळे मृत्यू झालेल्यांचा आकडा आता आठवर पोहोचला आहे.

पुणे, पिंपरी- चिंचवड परिसरात सध्या स्वाईन फ्लूने थैमान घातले आहे. चिखलीतील ४८ वर्षीय महिलेला २७ ऑगस्ट रोजी रुग्णालयात दाखल करण्यात आले. तर निगडी येथील ४१ वर्षीय पुरुषाला २८ ऑगस्ट रोजी खासगी रुग्णालयात उपचाराकरिता दाखल करण्यात आले. मात्र दोघांची प्रकृती चिंताजनक असल्याने त्यांच्यावर अतिदक्षता विभागात उपचार सुरू  होते. परंतु उपचारादरम्यान त्यांचा मृत्यू झाला. या बळींसह स्वाईन फ्लूमुळे मृत्यू झालेल्यांचा आकडा नऊवर पोहोचला आहे.

शहरात स्वाईन फ्लूचे ४६ रुग्ण आढळले. यामुळे नऊ रुग्णांचा मृत्यू झाला आहे. तर तेरा रुग्णांवर सध्या उपचार सुरू आहेत. त्यातील चौघांची प्रकृती चिंताजनक असून जानेवारी ते जून दरम्यान एकच रुग्ण दगावला होता. ऑगस्टमध्ये आठ रुग्णांचा मृत्यू झाला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 30, 2018 5:44 pm

Web Title: two more dead due to swine flu in pimpri
Next Stories
1 आरपीएफ जवानांचे प्रसंगावधान, ट्रेनमधून पडलेल्या १५ वर्षांच्या मुलीचे वाचवले प्राण
2 VIDEO: मद्यधुंद तरुणींचा चिंचवड पोलीस ठाण्यात धिंगाणा
3 भटक्या कुत्र्यांचा हल्ला, पुण्यात चार वर्षांच्या मुलाला पडले १७ टाके
Just Now!
X