पुणे : कर्नाटकातून पाठविलेले पाच हजार किलो भेसळयुक्त पनीर जप्त

हेही वाचा >>> खाशाबा जाधव यांचा जन्मदिवस राज्य ‘क्रीडा दिन’ म्हणून साजरा करणार, मुख्यमंत्र्यांची मोठी घोषणा

टेम्पोतून दहा लाख रुपयांचे चार हजार ९७० किलो पनीर जप्त करण्यात आले. अन्न सुरक्षा अधिकारी क्रांती बारवकर यांना ही माहिती कळविण्यात आली. अन्न सुरक्षा अधिकाऱ्यांच्या मार्गदर्शनानुसार भेसळयुक्त पनीर बाणेर येथील नॅशनल ॲग्रीकल्चर अँड फूड ॲनलसिस ॲंड रिसर्च इन्स्टिट्यूटच्या (नाफरी) प्रयोगशाळेत तपासणीसाठी पाठविण्यात आले. तपासणीत पनीर भेसळयुक्त असल्याचा अहवाल देण्यात आला. त्यानंतर भेसळयुक्त पनीर नष्ट करण्यात आले. अतिरिक्त पोलीस आयुक्त रामनाथ पोकळे, उपायुक्त अमोल झेंडे, सहायक आयुक्त सुनील तांबे यांच्या मार्गदर्शनाखाली वरिष्ठ पोलीस निरीक्षक अशोक इंदलकर, सहायक निरीक्षक नरेंद्र पाटील, उपनिरीक्षक शाहिद शेख, सुमीत ताकपेरे, महेश पाटील आदींनी ही कारवाई केली.