युक्रेनमध्ये पुण्यातील ७७ विद्यार्थी अडकले

 दरम्यान, पुणे, पिंपरी-चिंचवड आणि उर्वरित ग्रामीण भागातील नागरिक किंवा विद्यार्थ्यांची माहिती देण्यासाठी जिल्हा नियंत्रण कक्ष, जिल्हाधिकारी कार्यालयातील ०२०-२६१२३३७१ हा संपर्क क्रमांक आणि controlroompune@gmail.com   हा ई-मेल उपलब्ध करून देण्यात आला आहे, असेही जिल्हाधिकारी डॉ. देशमुख यांनी सांगितले.

नागपूरमधील पाच विद्यार्थी..  

नागपूर : युक्रेनमध्ये युद्ध सुरू असून तेथे शिक्षणासाठी गेलेल्यांमध्ये नागपूर जिल्ह्यातील पाच विद्यार्थ्यांचा समावेश आहे. विदर्भात ही संख्या चाळीसहून अधिक असल्याची माहिती आहे. नागपूर जिल्ह्यातील विद्यार्थ्यांमध्ये पीयूष गोमासे, तनुजा खंडाळे, संजय सोनटक्के, हिमांशू पवार, रविना थाकित या विद्यार्थ्यांचा समावेश आहे. त्यांची माहिती केंद्र सरकारला देण्यात आली आहे. त्याचप्रमाणे गोंदिया जिल्ह्यातील तीन, चंद्रपूर जिल्ह्यातील सहा, अकोला जिल्ह्यातील चार, बुलढाणा जिल्ह्यातील सहा, अमरावती जिल्ह्यातील ८ आणि यवतमाळ जिल्ह्यातील सहा व इतर जिल्ह्यातील दोन विद्यार्थ्यांचा समावेश आहे. ही संख्या वाढण्याची शक्यता आहे.