पुणे : डंपरच्या धडकेत आठ वर्षांच्या बालकाचा मृत्यू; जमावाने डंपर पेटविला

हेही वाचा >>> हिंजवडीत कंपनीतील गॅसभट्टीच्या स्फोटात २० कामगार जखमी; चार कामगारांची प्रकृती गंभीर

अक्षय बाबासाहेब भाडळे (वय २६, रा. ऊरळी देवाची) यांनी फिर्याद हडपसर पोलीस ठाण्यात फिर्याद दिली आहे. पोलिसांनी दिलेल्या माहितीनुसार, अक्षय यांची विवाहित बहीण कोमल, भाचा शौर्य, भाची तृणल दुचाकीवरुन निघाले होते.  बुधवारी दुपारी मंतरवाडी-कात्रज बाह्यवळण मार्गावर एच. पी. पेट्रोल पंपाजवळ भरधाव डंपरने दुचाकीला पाठीमागून धडक दिली. दुचाकीवरील शौर्य डंपरच्या चाकाखाली सापडला. शाैर्यचा जागीच मृत्यू झाल्यानंतर भाडळे आणि परिसरातील रहिवाशांनी घटनास्थळी धाव घेतली. डंपरचालक डंपर सोडून पसार झाला. संतप्त जमावाने डंपर पेटवून दिला. पसार झालेल्या डंपरचालकाला ताब्यात घेण्यात आले असल्याची माहिती हडपसर पोलीस ठाण्याचे वरिष्ठ पोलीस निरीक्षक रवींद्र शेळके यांनी दिली.