२४ तासात पुण्यात करोनाचे ८१८ रुग्ण, तर पिंपरीत ९१३ रुग्ण - Marathi News | 818 New Corona Patients In Pune And 913 In Pimpri In Last 24 Hours Scj 81

पुण्यात मागील २४ तासात २८ जणांचा मृत्यू

प्रतिकात्मक छायाचित्र

पुणे शहरात आज दिवसभरात नव्याने ८१८ रुग्ण आढळल्याने, ५४ हजार २५५ एवढी रुग्ण संख्या झाली आहे. तर आज दिवसभरात २८ रुग्णांचा मृत्यू झाला आहे. त्यामुळे आज अखेर १ हजार ३१२ रुग्णांचा मृत्यू झाला आहे. करोनावर उपचार घेणार्‍या ११८५ रुग्णांची तब्येत ठणठणीत असल्याने, त्या सर्वांना घरी सोडण्यात आले आहे. त्यामुळे आज अखेर ३५ हजार १२३ रुग्ण करोना मुक्त झाले असल्याची माहिती पुणे महापालिकेच्या आरोग्य विभागा मार्फत देण्यात आली आहे.

पिंपरीत ९१३ रुग्ण
पिंपरी-चिंचवड शहरात सध्या कोरोनाने थैमान घातले असून दिवसभरात ९१३ जण बाधित रुग्ण आढळले आहेत. तर १२ करोना बाधित रुग्णांचा उपचारादरम्यान मृत्यू झाला आहे. पिंपरी-चिंचवड शहरातील करोना बाधित रुग्णांची एकूण संख्या २१ हजार १९३ वर पोहचली आहे. पैकी, १२ हजार ५७५ जण करोनामुक्त झाले असून आज १३० जणांना डिस्चार्ज देण्यात आला आहे. पिंपरी-चिंचवड महानगर पालिकेच्या रुग्णालयातील सक्रिय रुग्णांची संख्या ३ हजार ५२७ एवढी आहे.

First published on: 01-08-2020 at 00:00 IST

TOPICSकरोना विषाणू Coronavirus

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: 8 new corona patients in pune and 913 in pimpri in last 24 hours scj