पुणे : राज्य शैक्षणिक संशोधन व प्रशिक्षण परिषदेने (एससीईआरटी) प्राथमिक शिक्षण पदविका (डी.एल.एड) प्रथम वर्ष प्रवेशाचे वेळापत्रक प्रसिद्ध केले आहे. त्यानुसार येत्या सोमवारपासून (३ जून) ऑनलाइन अर्ज प्रक्रिया सुरू होणार असून, पहिल्या फेरीचे प्रवेश २७ जूनपासून सुरू केले जाणार आहेत.

एससीईआरटीकडून डी.एल.एड. अभ्यासक्रमाची प्रवेश प्रक्रिया राबवण्यात येते. बारावीच्या निकालानंतर विद्यार्थ्यांची विविध अभ्यासक्रमांच्या प्रवेशासाठी लगबग सुरू होते. त्यात काही विद्यार्थी बारावीनंतर डी.एल.एड अभ्यासक्रमाला प्रवेश घेतात. यंदा विद्यार्थ्यांना ३ जून ते १८ जून या कालावधीत डी.एल.एड अभ्यासक्रमाच्या प्रवेशासाठी अर्ज करता येणार आहे. जिल्हा शिक्षण आणि प्रशिक्षण संस्थेकडून (डाएट) अर्जाची पडताळणी ३ ते १९ जून या कालावधीत केली जाणार आहे. तर अंतिम गुणवत्ता यादी २६ जून रोजी प्रसिद्ध केली जाईल. पात्र विद्यार्थ्यांना २७ जून ते १ जुलै या कालावधीत प्रवेश घेता येईल. दुसऱ्या फेरीसाठी २ जुलैला विद्यार्थ्यांना महाविद्यालयांचे पर्याय भरता येणार असून पूर्वी भरलेले पर्याय बदलता येतील. ४ जुलैला प्रवेशाची दुसरी यादी प्रसिद्ध केली जाणार आहे. दुसऱ्या फेरीतून प्रवेश मिळालेल्या विद्यार्थ्यांना ४ ते ८ जुलै या कालावधीत प्रवेश घेता येणार आहे. प्रवेशाची तिसरी फेरी ११ जुलै रोजी सुरू होणार आहे. एससीईआरटीने जाहीर केलेल्या वेळापत्रकानुसार शासकीय आणि व्यावसायिक कोट्यासाठी स्वतंत्र वेळापत्रक आहे.

Education Opportunity For Admission to Nursing, Obstetrics Courses
शिक्षणाची संधी:  परिचर्या, प्रसविका अभ्यासक्रम प्रवेशासाठी
Revised schedule, admissions ,
व्यावसायिक अभ्यासक्रमांच्या प्रवेशांचे सुधारित वेळापत्रक जाहीर
BA BSc Bed Law 5 year courses admissions open Mumbai
बीए/बीएस्सी बीएड, विधि पाच वर्ष अभ्यासक्रमांच्या प्रवेशांना सुरुवात
Admission Process for MCA Vocational Course, MCA Vocational Course, MCA Vocational Course Admission Begins,
एमसीए अभ्यासक्रमाच्या प्रवेश प्रक्रियेस सुरूवात
cancer, Radiation Therapy,
कर्करुग्णांवर उपचारासाठी तज्ज्ञ डॉक्टर मिळणार कसे? राज्यात ‘विकिरणोपचार’चा पदव्युत्तर अभ्यासक्रम…
FYJC Admission Will Maratha Reservation Apply
अकरावी प्रवेशाची गुणवत्ता यादी जाहीर; FYJC प्रवेशासाठी मराठा आरक्षण लागू होणार का? शिक्षण संचालकांचे उत्तर वाचा
Direct admission to the second year of Agriculture degree course Mumbai news
कृषी पदवी अभ्यासक्रमाच्या दुसऱ्या वर्षात थेट प्रवेश मिळणार; २६ जूनपासून प्रवेश प्रक्रिया सुरू होणार
Re examination of BBA BCA course will be held Mumbai
बीबीए, बीसीए अभ्यासक्रमाची पुनर्परीक्षा होणार ? सीईटी कक्षाकडून सरकारकडे विचारणा

हेही वाचा – Porsche Car Accident : रक्ताचे नमुने बदलल्या प्रकरणी अल्पवयीन मुलाच्या आई-वडिलांना कोठडी

हेही वाचा – कोथिंबीर जुडी पन्नाशीपार; पालेभाज्यांचे दर महिनाभर तेजीत…

विद्यार्थ्यांनी दिलेल्या वेळापत्रकानुसार डीएलएड अभ्यासक्रमाच्या प्रवेश प्रक्रियेत सहभागी होण्याचे आवाहन राज्यस्तरीय डी.एल.एड प्रवेश निवड, निर्णय आणि प्रवेश संनियंत्रण समितीचे अध्यक्ष राहुल रेखाराव यांनी केले आहे. अधिक माहिती https://www.maa.ac.in/ या संकेतस्थळावर देण्यात आली आहे.