चिंचवड: वाघ गेला, ही वाघीण पिल्लांना एकटं पडू देणार नाही; आमदार आश्विनी जगताप कुणाला उद्देशून म्हणाल्या?

आश्विनी जगताप म्हणाल्या, दिवंगत लक्ष्मण जगताप यांचं अकाली निधन झाल्यानंतर २०२३ मध्ये चिंचवड पोटनिवडणूक घेण्यात आली. भाजपनं माझ्यावर विश्वास ठेवून मला उमेदवारी दिली. महायुतीच्या कार्यकर्त्यांनी अथक परिश्रम घेतल्याने माझा विजय झाला. जरी माझा वाघ गेला असला तरी ही वाघीण जिवंत आहे, तोपर्यंत माझ्या पिल्लांना एकटं सोडणार नाही. पुढे म्हणाल्या, आमचा जगताप पॅटर्न आहे. आमचं १३ जणांचं कुटुंब नाही तर संपूर्ण चिंचवड विधानसभा मतदारसंघ आमचं कुटुंब आहे. हेच कुटुंब शंकर जगताप यांना विजयी करेल. असा विश्वास ही त्यांनी व्यक्त केला आहे.

हेही वाचा >>>हिंजवडी आयटीपार्कमधून किती उद्योग बाहेर गेले? देवेंद्र फडणवीस यांनी आकडाच सांगितला

यावेळी उमेदवार शंकर जगताप यांनी ही भाषण केले. ते म्हणाले, भाऊ (दिवंगत लक्ष्मण जगताप) गेल्यानंतर कुटुंबावरील छत कोसळल होतं. ते भाजप आणि देवेंद्र फडणवीस यांनी सावरलं. त्यांचे मी आभार मानतो. पुढे ते म्हणाले, तीन वेळेस चिंचवड च दिवंगत लक्ष्मण जगताप यांनी प्रतिनिधित्व केलं. त्यांनी या मतदारसंघाचा विकास केला. मला चिंचवड ची जनता भरगोस मतांनी विजयी करेल असा विश्वास शंकर जगताप यांनी व्यक्त केला आहे.