पुणे शहर पोलीस विभागातील एका महिला कर्मचारीच्या नावाने फेसबुक, इन्स्टाग्राम या सोशल मीडियावर बनावट अकाउंट तयार करून आणि त्यावर अश्लील व्हिडिओ अपलोड करून, त्याद्वरे संबंधित महिला पोलीस कर्मचारीची बदनामी करण्यात आल्याचा प्रकार उघडकीस आला आहे. या प्रकरणी संबंधित व्यक्ती विरोधात गुन्हा दाखल करण्यात आलेला आहे. पोलिसांनी दिलेल्या माहितीनुसार, बिबवेवाडी परिसरातील अप्पर इंदिरानगर येथील रहिवासी असलेल्या महिला पोलीस कर्मचारीच्या नावाने दोन बनावट अकाउंट सोशल मीडियावर तयार करण्यात आले होते. त्यामध्ये काही बदनामीकार व आक्षेपार्ह अशी वाक्य असलेला मजकूर पोस्ट करून तो व्हायरल केला गेला होता. या प्रकरणी फिर्यादी महिलेने पोलिसात तक्रार दाखल केल्यानंतर, संबंधित व्यक्तीविरोधात गुन्हा दाखल करण्यात आला. अशी माहिती बिबवेवाडी पोलिसांनी दिली.
