पुणे : घरात डोकावून पाहिल्याने जाब विचारणाऱ्या एकाला मारहाण

घरात डोकावून पाहिल्याचा जाब विचारणाऱ्या एकाला मारहाण करण्यात आल्याची घटना वारजे भागात घडली. या प्रकरणी दोघांना अटक करण्यात आली. या प्रकरणी आकाश सतीश जगताप (वय २०), सुनील चंद्रकांत शिंदे (वय २२, दोघे रा. रामनगर, वारजे) यांना अटक करण्यात आली. किरण धरडे (वय ४२, रा. रामनगर, वारजे) असे जखमी झालेल्याचे नाव आहे. धरडे यांनी याबाबत वारजे पोलीस ठाण्यात फिर्याद दिली आहे. आरोपी जगताप आणि शिंदे हे धरडे यांच्या घरात डोकावून पाहत होते.