लोकसत्ता प्रतिनिधी

पुणे : चोरट्यांकडून जप्त करण्यात आलेल्या दुचाकींची न्यायालयाच्या परवानगीशिवाय परस्पर विक्री केल्याचा धक्कादायक प्रकार उघडकीस आला आहे. मुद्देमाल कक्षातील जप्त दुचाकींची परस्पर विक्री केल्याप्रकरणी पोलीस उपायुक्त आर. राजा यांनी लोणी काळभोर पोलीस ठाण्यातील चार पोलीस कर्मचाऱ्यांना पोलीस सेवेतून निलंबित करण्याचे आदेश दिले आहेत.

police case marathi news, prithvi shaw marathi news
‘पोलीस अधिकाऱ्यांवर कारवाई करण्याचे आदेश द्या’, पृथ्वी शॉविरोधात गुन्हा न नोंदवल्याचे प्रकरण
Emphsises on right to be free from the adverse effects of climate change
“नागरिकांना हवामान बदलाच्या प्रतिकूल परिणामांपासून मुक्त होण्याचा अधिकार”; सर्वोच्च न्यायालयाने दिलेल्या या निर्णयात महत्त्वपूर्ण काय आहे?
Boy killed for resisting unnatural act Sheel Daighar police arrests two
अनैसर्गिक कृत्यास विरोध केल्याने मुलाची हत्या, शीळ डायघर पोलिसांनी केली दोघांना अटक
The crime branch police demanded a bribe of 10 lakhs crime news
गुन्हे शाखेच्या पोलिसाने मागितली १० लाखांची लाच; काशिमिरा पोलीस ठाण्यात गुन्हा दाखल

दयानंद गायकवाड, संतोष अंदारे, तुकाराम पांढरे, राजेश दराडे अशी निलंबित करम्यात आलेल्या पोलीस कर्मचाऱ्यांची नावे आहेत. लोणी काळभोर पोलिसांनी गेल्या वर्षी दुचाकी चोरटा बाळासाहेब घाडगे याला अटक केली होती. घाडगेकडून दुचाकी जप्त करण्यात आल्या होत्या. पुणे-सोलापूर महामार्गावर असलेल्या ऊरळी कांचन पोलीस ठाण्याचे उद्घाटन प्रजासत्ताक दिनी करण्यात आले. लोणी काळभोर पोलीस ठाण्याचे विभाजन करून ऊरळी कांचन पोलीस ठाण्याची निर्मिती करण्यात आली आहे. पोलीस ठाण्याचे विभाजन करण्यात आल्यानंतर मुद्देमाल कक्षातील नऊ दुचाकी तेथे नसल्याचे आढळून आले.

आणखी वाचा-पिंपरी : व्हिडीओ कॉल अन् महिलेच्या नावावर १९ लाखांचे कर्ज

परिमंडळ पाचचे पोलीस उपायुक्त आर. राजा यांनी याप्रकरणाची चौकशी सुरू केली. चौकशीत लोणी काळभोर पोलीस ठाण्यातील पोलीस कर्मचारी गायकवाड, अंदारे, पांढरे, दराडे यांनी मुद्देमाल कक्षातील नऊ दुचाकींची विक्री केल्याचे उघडकीस आले. दुचाकींची विक्री भंगार माल खरेदी करणारा इम्रान शेख याला करण्यात आल्याचे निष्पन्न झाल्यानंतर पोलिसांनी शेखला अटक केली. चौकशीत दोषी आढळलेल्या चार पोलीस कर्मचाऱ्यांना पोलीस सेवेतून निलंबित करण्यात आल्याचे पोलीस उपायुक्त राजा यांनी सांगितले. पोलीस ठाण्यातील मुद्देमाल कक्षात चोरट्यांकडून जप्त करण्यात आलेला मुद्देमाल ठेवण्यात येतो. न्यायालयाच्या परवानगीशिवाय मुद्देमालाची विक्री किंवा लिलाव करता येत नाही. जप्त केलेल्या दुचाकींचे मालक न सापडल्यास न्यायालयाच्या आदेशाने दुचाकींची विक्री करण्यात येते.