मुंबई-पुणे एक्स्प्रेसवेवर आज (सोमवार) सकाळी कार व ट्रकमध्ये झालेल्या भीषण अपघातात दोघे जागीच ठार तर एक जण गंभीर जखमी झाला आहे. हा अपघात लोणावळ्याजवळील वलवण गावाजवळ सकाळी ६.४५ च्या सुमारास घडला. जखमीला उपचारासाठी खासगी रूग्णालयात दाखल करण्यात आले आहे. पुण्याहून मुंबईच्या दिशेने निघालेली भरधाव कार (एमएच १४ इपी ५५५०) जुन्या मुंबई-पुणे महामार्गावरील लोणावळा महाविद्यालयासमोर आल्यानंतर मुंबईहून पुण्याच्या दिशेने निघालेला ट्रक (एमएच २० एडी १०१५) यांच्यात समोरासमोर जोराची धडक बसली. अपघात इतका भीषण होता की, कारचा चक्काचूर झाला होता. कारमधील चालकासह दोघांचा जागीच मृत्यू झाला तर अन्य एक जण गंभीर जखमी झाला. महाराष्ट्र राज्य रस्ते विकास महामंडळाच्या आर्यन देवदूत पथकाकडून कारमध्ये अडकलेल्यांना बाहेर काढण्याचा प्रयत्न सुरू होता.
