scorecardresearch

पुणे-नगर रस्त्यावर ट्रकच्या धडकेत दुचाकीस्वाराचा मृत्यू

अपघातानंतर पसार झालेल्या ट्रक चालकाच्या विरोधात गुन्हा दाखल करण्यात आला आहे.

पुणे-नगर रस्त्यावर ट्रकच्या धडकेत दुचाकीस्वाराचा मृत्यू
(प्रतिनिधिक छायाचित्र)

पुणे : नगर रस्त्यावर ट्रकच्या धडकेने दुचाकीस्वार तरुणाचा मृत्यू झाल्याची घटना घडली. अपघातानंतर पसार झालेल्या ट्रकचालकाच्या विरोधात गुन्हा दाखल करण्यात आला आहे.याकुब खलील अन्सारी (वय ३८, रा. भावडी रोड, वाघोली) असे मृत्युमुखी पडलेल्या दुचाकीस्वाराचे नाव आहे. याकुबचे काका निजामुद्दीन अन्सारी (वय ४९, रा. वडगाव शिंदे रस्ता, लोहगाव) यांनी याबाबत लोणीकंद पोलीस ठाण्यात फिर्याद दिली आहे.

दुचाकीस्वार याकुब अन्सारी नगर रस्त्यावरुन सकाळी दहाच्या सुमारास निघाले होते. वाघोली परिसरात भरधाव ट्रकने दुचाकीस्वार याकुब यांना धडक दिली. अपघातात गंभीर जखमी झालेल्या याकुब यांचा उपचारांपूर्वीच मृत्यू झाला. अपघातानंतर पसार झालेल्या ट्रक चालकाच्या विरोधात गुन्हा दाखल करण्यात आला असून पोलीस कर्मचारी एस. बी. तिकोणे तपास करत आहेत.

मराठीतील सर्व पुणे ( Pune ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

संबंधित बातम्या