पिंपरी: अग्निशमन दलप्रमुखांना मुदतवाढ देण्यास कर्मचारी महासंघाचा विरोध

पिंपरी-चिंचवड महापालिकेच्या अग्निशमन दलाचे प्रमुख किरण गावडे यांना सेवानिवृत्तीनंतर मुदतवाढ देण्यास या विभागातील अधिकारी व कर्मचाऱ्यांबरोबरच कर्मचारी महासंघानेही विरोध केला आहे.गावडे ३१ ऑक्टोबरला सेवानिवृत्त होत असून, त्यांचे त्याच ठिकाणी मानधनावर नियुक्ती करण्यासाठी राजकीय नेत्यांसह प्रशासनातील अधिकाऱ्यांकडे प्रयत्न सुरू आहेत. त्यांना मुदतवाढ देण्यास अग्निशमन दलातील अधिकारी व कर्मचाऱ्यांनी विरोध केला असताना, पिंपरी-चिंचवड महापालिका कर्मचारी महासंघाने विरोध केला आहे.