लोकसत्ता प्रतिनिधी पिंपरी: ग्रामपंचायत निवडणुकीसाठी पाच लाख रुपये आणण्याची मागणी करत विवाहितेचा छळ करण्यात आल्याचा प्रकार उघडकीस आला. या प्रकरणी पतीसह सात जणांविरोधात निगडी पोलीस ठाण्यात गुन्हा दाखल करण्यात आला आहे. या प्रकरणी २० वर्षीय विवाहितेने निगडी पोलीस ठाण्यात फिर्याद दिली आहे. त्यानुसार पती विशाल कडू इंगळे, सासरे कडू शवराव इंगळे, नंदावा भाऊसाहेब देवरा गायकवाड आणि चार महिलांच्या विरोधात गुन्हा दाखल करण्यात आला आहे. आणखी वाचा-वानवडीत मसाज पार्लरच्या नावाखाली वेश्याव्यवसाय; गुन्हे शाखेचा छापा; पाच तरुणी ताब्यात आरोपी विशाल याला त्याच्या गावी ग्रामपंचायत निवडणूक लढवायची होती. निवडणूक लढविण्यासाठी पैसे लागणार असल्याने विशाल आणि त्याच्या कुटुंबीयांनी फिर्यादी विवाहितेकडे माहेरहून पाच लाख रुपये आणण्याची मागणी केली. तसेच विवाहितेला मारहाण करून शारीरिक आणि मानसिक छळ केला. निगडी ठाण्याचे फौजदार कुमार गिरीगोसावी तपास करीत आहेत.
