scorecardresearch

Premium

पिंपरी : अभियंत्यांच्या दप्तर दिरंगाईमुळे महापालिकेविरोधात न्यायालयात अवमान याचिका; दोन्ही अभियंत्यांचे निलंबन

पिंपरी-चिंचवड महापालिकेत नीलेश दाते हे स्थापत्य विभागात कनिष्ठ, तर राजकुमार सूर्यवंशी हे उपअभियंता म्हणून कार्यरत आहेत.

pimpri chinchwad municipal corporation, contempt petition filed against pcmc, 2 engineers suspended
अभियंत्यांच्या दप्तर दिरंगाईमुळे महापालिकेविरोधात न्यायालयात अवमान याचिका; दोन्ही अभियंत्यांचे निलंबन (संग्रहित छायाचित्र)

पिंपरी : जागेच्या खासगी वाटाघाटीसंदर्भात आठ आठवड्यांत योग्य तो निर्णय घेऊन माहिती देण्याच्या मुंबई उच्च न्यायालयाच्या आदेशाचे उल्लंघन झाल्याने याचिकाकर्त्याने अवमान याचिका दाखल केली. त्यामुळे माहिती देण्यास जाणीवपूर्वक विलंब केल्याचा ठपका ठेवत एक कनिष्ठ, एक उपअभियंत्याला निलंबित केले आहे.

पिंपरी-चिंचवड महापालिकेत नीलेश दाते हे स्थापत्य विभागात कनिष्ठ, तर राजकुमार सूर्यवंशी हे उपअभियंता म्हणून कार्यरत आहेत. महापालिकेने कासारवाडी येथे खासगी वाटाघाटींद्वारे जागा घेतली होती. मात्र, या वाटाघाटीच्या निर्णयाविरोधात मुंबई उच्च न्यायालयात याचिका दाखल करण्यात आली होती. सुनावणीमध्ये न्यायालयाने भूसंपादनाबाबत आठ आठवड्यांत योग्य तो निर्णय घेऊन त्या निर्णयाची याचिकाकर्त्यांना माहिती द्यावी, असा आदेश महापालिकेला दिला होता.

Advocate Prashant Bhushan
“सर्वोच्च न्यायालयातील एक तृतीयांश न्यायाधीश चांगले, इतर…”, ज्येष्ठ वकील प्रशांत भूषण यांचा आरोप
Student organizations protest against Governor Arif Mohammad Khan in Kerala
केरळच्या राज्यपालांचे रस्त्यावरच दोन तास ठाण; ‘एसएफआय’च्या निदर्शनांनंतर केंद्राकडून झेड सुरक्षा
Vinod Tawde Nitish Kumar
राजकीय गदारोळात विनोद तावडे बिहारमध्ये दाखल, भाजपा नितीश कुमारांना समर्थन देणार?
The mystery of firing on the motor vehicle inspector increased Nagpur
मोटार वाहन निरीक्षकावरील गोळीबाराचे गुढ वाढले

हेही वाचा : पिंपरी : प्रदूषण करणाऱ्यांवर कारवाईचा दंडुका, तीन दिवसांत ३० लाख दंड वसूल

न्यायालयाच्या या निर्णयानंतर मुदतीत प्रस्ताव ठेवून कार्यवाही करण्याची जबाबदारी दाते आणि सूर्यवंशी यांची होती. मात्र, त्यांनी कोणतीही कार्यवाही केली नाही. त्यामुळे याचिकाकर्त्यांनी न्यायालयात अवमान याचिका दाखल केली. त्यानंतर पालिकेने दाते आणि सूर्यवंशी यांना कारणे दाखवा नोटीस बजावून खुलासा मागितला. त्यांचा खुलासा समाधानकारक नव्हता. या दोघांनी वेळीच कार्यवाही केली असती, तर महापालिकेच्या विरोधात अवमान याचिका दाखल झाली नसती. कर्तव्यात कसूर केल्याबद्दल दाते व सूर्यवंशी यांचे सेवानिलंबन करून खातेनिहाय चौकशी सुरू करण्याचा आदेश आयुक्त शेखर सिंह यांनी दिला.

हेही वाचा : पिंपरी-चिंचवड: कमरेला पिस्तूल लावून दहशत पसरविणाऱ्या गुन्हेगारांना बेड्या; गुन्हे शाखा दोनची कारवाई

नाट्यगृहाच्या पैशांचा अपहार करणारा लिपिकही निलंबित

महापालिकेच्या चिंचवड येथील प्रा. रामकृष्ण मोरे नाट्यगृहात संकेत जंगम हे लिपिक पदावर कार्यरत होते. त्यांच्याकडे नाट्यगृहाच्या कार्यक्रमाची अनामत रक्कम, भाडे यासह इतर शुल्क वसूल करणे, पावत्या देणे, दैनंदिन भरणा लेखा शाखेकडे जमा करणे, दप्तर अद्ययावत ठेवणे असे कामकाज दिले होते. मात्र, ११९ कार्यक्रमांचे चार लाखांचे भाडे त्यांनी कोषागारात भरले नाही. या पैशांचा अपहार केला आहे. लेखापरीक्षणात मोठ्या प्रमाणात आर्थिक अनियमितता झाल्याचे दिसून आले. सात लाख ६६ हजार रुपयांची रक्कम वसूलपात्र आहे. धनादेश कोषागारात भरले नाहीत. त्यामुळे जंगम यांचे निलंबन करत खातेनिहाय चौकशी सुरू केली आहे.

Latest Comment
View All Comments
Post Comment

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: In pimpri 2 engineers suspended due to contempt petition filed against pimpri chinchwad municipal corporation pune print news ggy 03 css

First published on: 12-11-2023 at 15:00 IST

आजचा ई-पेपर : पुणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×