कोरेगाव पार्क परिसरात पुणे महापालिकेच्या मिळकत कर विभागाच्या अधिकाऱ्याला धक्काबुक्की करण्यात आल्याची घटना घडली. या प्रकरणी एकाच्या विरोधात गुन्हा दाखल करण्यात आला आहे. याबाबत मिळकत कर अधिकारी वसंत सुतार ( रा. शिवाजीनगर ) यांनी फिर्याद कोरेगाव पार्क पाेलीस ठाण्यात फिर्याद दिली आहे. कोरेगाव पार्कमधील ज्वेल हौसा या इमारतीमधील एका कार्यालयाचा कर थकला होता. त्याबाबत महापालिकेने त्यांना नोटिसा बजावल्या होत्या. त्याची दखल घेतली न गेल्याने पालिकेचे पथक कारवाई करण्यासाठी तेथे गेले होते; तसेच जप्ती वॅारंट घेऊन तेथे गेले होते. त्यावेळी तेथील एकाने सुतार आणि त्यांच्या पथकातील कर्मचाऱ्यांना शिवीगाळ करून मारहाण केली. पोलीस ठाण्याचे पोलीस उपनिरीक्षक महेश वराळ तपास करत आहेत.