पुणे : राज्यात मुंबईनंतर महत्त्वाचे महानगर अशी पुण्याची ओळख आहे. माहिती-तंत्रज्ञान (आयटी), वाहन उद्योग अशी पुण्याची ओळख आहे. त्यात आता वैद्याकीय केंद्र अशी नव्याने ओळख होऊ लागली आहे. करोना आणि त्यानंतर पुण्याच्या आसपासच्या जिल्ह्यांतून पुण्यात उपचारांसाठी येणाऱ्या रुग्णांची संख्या वाढली आहे. परिणामी पुण्यातील वैद्याकीय यंत्रणेवरील ताणही वाढला आहे.

हेही वाचा >>> केरळमध्ये कधी दाखल होणार मोसमी वारे? हवामान विभागाने दिली माहिती…

What Poonam Mahajan Said?
भाजपाने तिकिट कापल्यानंतर पूनम महाजन यांची पहिली प्रतिक्रिया, म्हणाल्या, “मी…”
narendra modi shinde fadnavis reuters
फडणवीसांना डावलून शिंदेंना मुख्यमंत्री का केलं? पंतप्रधान मोदींनी सांगितली भाजपाची रणनीती
pm modi on prajwal revanna sex tape row
प्रज्वल रेवण्णा प्रकरणावर पंतप्रधान मोदींनी पहिल्यांदाच केलं भाष्य; म्हणाले…
pm narendra modi slams congress over vote jihad allegations
‘व्होट जिहाद’चा काँग्रेसचा डाव! पंतप्रधान नरेंद्र मोदी यांचा घणाघाती आरोप
sharad pawar raj thackeray
“राज ठाकरेंचं महाराष्ट्राच्या राजकारणातील स्थान काय?”, शरद पवारांचा टोला, ‘त्या’ टीकेवर दोन वाक्यात प्रत्युत्तर
devendra fadnavis uddhav thackeray
“अमित शाह तुला म्हणाले दोन मोठी…”, उद्धव ठाकरेंनी फडणवीसांचा एकेरी उल्लेख करत सांगितलं शहांच्या मातोश्री भेटीवेळी काय घडलं?
uddhav thackeray viral video
शरद पवारांनी उद्धव ठाकरेंना बाहेर जायला सांगितलं, ठाकरेंनी हात जोडले अन्..; भाजपाने शेअर केला ‘तो’ VIDEO
prithviraj chavan loksabha election 2024
“या निवडणुकांनंतर महाराष्ट्रात दोन पक्ष लोप पावतील”, पृथ्वीराज चव्हाणांचा मोठा दावा; म्हणाले, “या पक्षांमधली माणसं…”

शहरात ससून, आरोग्य विभागाचे औंध येथील जिल्हा रुग्णालय आणि महापालिकेचे कमला नेहरू, तर पिंपरी- चिंचवड महापालिकेचे यशवंतराव चव्हाण अशी चार प्रमुख सार्वजनिक रुग्णालये आहेत. ग्रामीण भागातही सरकारी रुग्णालये आहेत. याशिवाय शहरासह जिल्ह्यात सुमारे ७८० खासगी रुग्णालयांचे मोठे जाळे आहे. यांमध्ये सुमारे १८ हजार ९०० साध्या, अडीच हजार अतिदक्षता, तर कृत्रिम श्वसन यंत्रणेची सुविधा असलेल्या ८०० खाटा आहेत. पुणे महापालिकेचे वैद्याकीय महाविद्यालय आणि कमला नेहरू रुग्णालय अशी संयुक्तपणे रुग्णांना सेवा दिली जाते. येथे अतिदक्षता विभागात १७ खाटा असून, दररोज पाच ते आठ रुग्ण दाखल होतात. औंध जिल्हा रुग्णालयामध्ये सर्व विभाग मिळून ३०० खाटांची सुविधा आहे. करोनाकाळात जिल्ह्याच्या ग्रामीण भागासह नगर, पश्चिम महाराष्ट्रातून अनेक रुग्ण पुण्यात उपचारासाठी दाखल होत होते. तेव्हा राज्य सरकारच्या पुण्यातील आरोग्य यंत्रणेने कात टाकली होती. पुण्याची वाढती लोकसंख्या, ग्रामीण रुग्णालयांमध्ये असलेल्या अपुऱ्या सुविधा यामुळे शहरातील रुग्णालयांवर क्षमतेपेक्षा जास्त ताण येत आहे.

हेही वाचा >>> खरीप हंगामासाठी मुबलक खते… राज्याला किती खत मिळणार?

पंतप्रधान आवास योजनेंतर्गत शहरातील वडगाव, हडपसर आणि खराडी येथील सुमारे २६५० घरांचे लोकार्पण पंतप्रधान नरेंद्र मोदी यांच्या हस्ते गेल्या वर्षी करण्यात आले. या योजनेंतर्गत उपलब्ध घरे आणि प्राप्त अर्ज यांत मोठी तफावत आहे. त्यामुळे या योजनेची व्याप्ती वाढविण्याची नागरिकांची मागणी आहे. पिंपरी-चिंचवड महापालिका क्षेत्रात ९३८ घरांसाठी लाभार्थी निश्चित करण्यात आले आहेत. जिल्ह्याच्या ग्रामीण भागात जिल्हा परिषदेच्या वतीने सुमारे १५ हजार घरे मंजूर असून, त्यांपैकी ११ हजारांपेक्षा जास्त घरे तयार झाली आहेत. याशिवाय पुणे महानगर प्रदेश विकास प्राधिकरणाच्या (पीएमआरडीए) पंतप्रधान आवास योजनेंतर्गत स्वत:च्या मालकी जागेवर वैयक्तिक घरकुल बांधण्यासाठी १९ हजार लाभार्थ्यांना मंजुरी देण्यात आली आहे. पंतप्रधान ग्रामसडक योजनेंतर्गत जिल्ह्यात १५७३ किलोमीटरचे रस्ते तयार केले आहेत. पुणे जिल्हा मुंबईला आणि आजूबाजूच्या इतर जिल्ह्यांना रस्ते, लोहमार्गाने जोडला आहे. एकमेकांना जोडलेल्या रस्त्यांमध्ये द्रुतगती मार्ग, राष्ट्रीय महामार्ग, राज्य महामार्ग, मुख्य जिल्हा मार्ग यांचा समावेश होतो. जिल्ह्यातील रस्त्यांची एकूण लांबी १३ हजार ६४२ किलोमीटर असून एकूण लांबीपैकी ३३१ किलोमीटर राष्ट्रीय महामार्ग आहे, तर १३६८ किलोमीटर राज्य महामार्ग आहे. गावातील रस्त्यांची एकूण लांबी ६५५५ किलोमीटर आहे. मात्र, राष्ट्रीय महामार्ग, काही प्रमाणात राज्य महामार्ग सोडल्यास जिल्हा मार्ग, जिल्हा रस्त्यांची अवस्था फार चांगली म्हणावी अशी नाही.