‘मेड इन पाकिस्तान’ लिहिलेला सौंदर्य प्रसाधनांचा साठा जप्त; झिरवाळ यांची विधानसभेत माहिती

विक्रेत्यावर न्यायालयात खटला दाखल केल्याचे अन्न व औषध प्रशासन मंत्री नरहरी झिरवाळ यांनी विधानसभेत सांगितले. चिंचवड येथे जप्त करण्यात आलेला सौंदर्य प्रसाधनांचा साठा पाकिस्तानातील लाहोर येथून आयात करण्यात आला आहे का, संबंधित उत्पादक कंपनीकडे आयात-निर्यात परवाना नसतानाही साठा शहरात आणला का, धायरी परिसरात सापडलेल्या २० लाख ७२ हजार रुपयांच्या सौंदर्य प्रसाधन साठ्यावर कारवाई करण्यात आली.

हा साठा कर्नाटक, तेलंगणा राज्यातून आलेला असून, अन्न व औषध प्रशासनाची परवानगी घेण्यात आली होती, हे खरे आहे का, पिंपरी-चिंचवड आणि धायरी परिसरातील जप्त केलेल्या साठ्यासंदर्भात दोषींवर काय कार्यवाही केली, असा तारांकित प्रश्न आमदार भीमराव तापकीर, मनीषा चौधरी यांनी विचारला होता. त्याला अन्न व औषध प्रशासन मंत्री झिरवाळ यांनी लेखी उत्तर दिले आहे.