Pune Porsche Car Accident : पुण्यात रविवारी पहाटे पोर्श कारने बाईकवरुन जाणाऱ्या दोघांना धडक दिली. ज्यात त्या दोघांचा जागीच मृत्यू झाला. पुण्यातल्या कल्याणीनगर भागात ही घटना घडली. या अपघाताची चर्चा अजूनही सुरु आहे. दरम्यान, या अपघाताबाबत आता आमदार प्राजक्त तनपुरे यांच्या पत्नी सोनाली तनपुरे यांनी एक्स या समाजमाध्यमावर पोस्ट केली आहे. या पोस्टमध्ये त्यांनी काही वर्षांपूर्वीचा एक प्रसंग सांगितला आहे.

नेमकं काय म्हणाल्या सोनाली तनपुरे?

“पुणे अपघात प्रकरणातील मुलगा माझ्या मुलासोबत एकाच वर्गात शिकत होता. त्यावेळी त्यापैकी काही मुलांकडून माझ्या मुलाला खूप त्रास झाला होता. या मुलांची तक्रार मी त्यांच्या पालकांकडे केली होती. मात्र योग्य तो प्रतिसाद मिळाला नाही. शेवटी या मुलांच्या त्रासाला कंटाळून आम्हाला आमच्या मुलाची शाळा बदलावी लागली” असं सोनाली तनपुरे यांनी सांगितलं.

Suresh Koshta, father of Ashwini Koshta
Pune Porsche Accident:पोर्श धडकेत जागीच मृत्यू झालेल्या अश्विनीच्या वडिलांची सून्न करणारी प्रतिक्रिया, “आमची स्वप्नं..”
Pune Porsche Accident Latest Updates in Marathi
Pune Porsche Accident:अश्विनी आणि अनिश यांना पोर्शने धडक देण्याआधी काय घडलं? डिनर प्लॅन आणि..
Maharashtra Lok Sabha Election Result 2024 Updates in Marathi
Maharashtra Lok Sabha Election Result 2024: महाराष्ट्रातील ४८ मतदारसंघात काय आहे स्थिती? कुणाला मिळाला विजय; कोण आघाडीवर? जाणून घ्या…
What Sharad Pawar Said About Rahul Gandhi?
शरद पवारांचं महत्त्वाचं वक्तव्य, “पंतप्रधान नरेंद्र मोदीच फक्त राहुल गांधींची टिंगल करतात, पण देश…”
porsche pune accident
Pune Porsche Accident : अपघाताआधी अल्पवयीन चालकाने पबमध्ये ९० मिनिटांत उडवले ४८ हजार रुपये, पोलिसांची माहिती
Maharashtra Breaking News Updates in Marathi
Maharashtra News : “सोपी निवडणूक म्हणता म्हणता…”, पंकजा मुंडेंचं विधान चर्चेत; म्हणाल्या, “मनात द्वेष आणि पोटात विष ठेवून…”
Pune Porsche Accident Latest Updates in Marathi
Pune Porsche Accident : “ऑनलाईन बिलांवरून स्पष्ट झालंय की…”, ‘त्या’ व्हायरल VIDEO बाबत पोलीस आयुक्तांनी दिलं स्पष्टकरण
Pune Porsche Accident Latest Updates in Marathi
Pune Porsche Accident: अल्पवयीन मुलाची आई कॅमेरासमोर ढसाढसा रडली, म्हणाली; “प्लीज..”

“मृत्यू झालेल्या दोघांच्याही कुटुंबाला न्याय मिळावा”

पुढे बोलताना, “तेव्हाच्या काही घटनांचा वाईट परिणाम आजही त्याच्या मनावर आहे. वाईट प्रवृत्ती असणाऱ्या मुलांची दखल वेळीच घेतली गेली असती तर असा भयंकर गुन्हा कदाचित घडला नसता”, असेही त्या म्हणाल्या. तसेच “पुण्यात झालेल्या अपघातात सुशिक्षित तरुण तरुणीचा निष्पाप बळी गेला. त्यांची कुटुंबे उद्ध्वस्त झाली. या कुटुंबांना न्याय मिळायला हवा”, अशी मागणीही त्यांनी केली.

हेही वाचा – पोर्श अपघात प्रकरणी मोठी अपडेट! अल्पवयीन आरोपीच्या वडिलांसह बार मालक आणि मॅनेजरलाही अटक

पुणे अपघात प्रकरणात आतापर्यंत काय घडलं?

रविवारी पहाटे पुण्यातल्या कल्याणीनगर भागात ही अपघाताची घटना घडली. त्यानंतर पोलिसांनी आरोपीला अटक केली. तसेच त्याला रविवारी दुपारी विशेष हॉलिडे कोर्टात हजर करण्यात आले. यावेळी त्याची रवानगी पोलीस कोठडीत करण्यात यावी तसंच आरोपी साडेसतरा वर्षांचा असल्याने त्याला प्रौढ समजून खटला चालवला जावा, अशी मागणी पोलिसांकडून करण्यात आली. मात्र न्यायालयाने ही मागणी फेटाळून लावत आरोपीला जामीन मंजूर केला होता. तसेच अपघातावर ३०० शब्दाचा निबंध लिहावा, असे आदेश दिले.

दरम्यान, अपघातानंतर मंगळवारी पोलिसांनी या प्रकरणातील अल्पयवीन आरोपीच्या वडिलांना छत्रपती संभाजीनगरमधून अटक केली तसेच बार मालक आणि मॅनेजरला पुण्यातून अटक केली. त्यानंतर पुण्याचे पोलीस आयुक्त अमितेश कुमार यांनी पत्रकार परिषद घेत याप्रकरणी आरोपीवर कायद्यानुसार कारवाई करण्यात येईल, अशी प्रतिक्रिया दिली. राज्याचे मुख्यमंत्री यांनीही आरोपींवर कारवाई करण्यात येईल, असे सांगितले. त्यानंतर मंगळवारी उपमुख्यमंत्री देवेंद्र फडणवीस पुणे पोलीस आयुक्त कार्यालयात जाऊन संपूर्ण घटनेची माहिती घेतली. तसेच आरोपीविरोधात कठोर कारवाई करण्याचे निर्देश पुणे पोलिसांना दिले.