स्कायडायव्हिंगच्या नव्या विक्रमाची पुण्यामध्ये नोंद

ओबड यांनी रविवारी (२९ मे) भल्या पहाटे भारतीय लष्कराच्या एमआय १७ व्ही ५ या हेलिकॉप्टरमधून तब्बल सात हजार फूट उंचावरून उडी घेतली. त्यांनी ५१ फूट १० इंच रुंद आणि ८१ फूट ३ इंच लांब म्हणजेच ४ हजार २११ चौरसफुटांचा झेंडा बरोबर घेतला. ही उडी घेताना त्यांच्याकडे ७७ किलो वजन होते. त्यापैकी झेंडय़ाचे वजन ५२ किलो, तर पॅराशूटचे वजन २५ किलो होते. हा झेंडा गुंडाळून ठेवण्यासाठी त्यांना २७ स्नातकांनी मदत केली. एखाद्या बास्केटबॉल मैदानाला झाकू शकेल एवढा हा झेंडा मोठा आहे. ओबड हे पॅराशूट जिम्पगमधील तज्ज्ञ प्रशिक्षक असून त्यांच्या नावावर अनेक विक्रम आहेत. यापूर्वी त्यांनी १३०० हून अधिक वेळा पॅराजिम्पग केले असून त्यापैकी दीडशे वेळा त्यांनी रात्री उडी घेतली आहे.