पुण्यात बहुतांश फळभाज्यांचे दर स्थिर

पुणे विभागातून सातारी आले ५०० गोणी, भेंडी ५ ते ६ टेम्पो, गवार ५ ते ६ टेम्पो, टोमॅटो ७ ते ८ हजार पेटी, हिरवी मिरची ३ ते ४ टेम्पो, ढोबळी मिरची ८ ते १० टेम्पो, काकडी ७ ते ८ टेम्पो, कोबी ५ ते ६ टेम्पो, फ्लाॅवर ८ ते १०टेम्पो, भुईमूग शेंग ५० ते ६० गोणी, तांबडा भोपळा १० ते १२ टेम्पो, मटार ४००ते ५०० गोणी, कांदा १०० ट्रक, तसेच इंदूर, आग्रा, स्थानिक भागातून ६० ट्रक बटाट्याची आवक झाली.

पालेभाज्यांची आवक वाढली

पावसाने उघडीप दिल्यानंतर पालेभाज्यांची आवक वाढली आहे. कोथिंबिरीच्या मागणीत वाढ झाली आहे. कोथिंबिरीच्या दरात अल्पशी वाढ झाली आहे. मेथीच्या दरात घट झाली असून, अन्य पालेभाज्यांचे दर स्थिर असल्याची माहिती तरकारी विभागातील व्यापाऱ्यांनी दिली. मार्केट यार्डातील तरकारी विभागात रविवारी कोथिंबिरीच्या सव्वा लाख जुडींची, तसेच मेथीच्या ६० हजार जुडींची आवक झाली. पालेेभाज्यांचे शेकड्यातील दर पुढीलप्रमाणे – कोथिंबीर – ८०० ते १५००, मेथी – ७०० ते १०००, शेपू – ५०० ते ८००, कांदापात – ५०० ते १५००, चाकवत – ४०० ते ६००, करडई – ३०० ते ६००, पुदिना – २०० ते ५००, अंबाडी – ४०० ते ६००, मुळे – ८०० ते १५००, राजगिरा – ४०० ते ६००, चुका – ५०० ते ८००, चवळई – ३०० ते ६००, पालक – ८०० ते १२००

पेरू, पपई, डाळिंब स्वस्त

श्रावण महिना सुरू झाल्यानंतर फळांची आवक वाढली. सीताफळांना मागणी वाढल्याने किलोमागे दरात १० रुपयांनी वाढ झाली. पेरू, पपई, डाळिंबांच्या दरात घट झाली आहे. लिंबांच्या दरात गोणीमागे ५० रुपयांनी वाढ झाली आहे. अन्य फळांचे दर स्थिर असल्याची माहिती व्यापाऱ्यांनी दिली. फळबाजारात रविवारी मोसंबी ५० ते ६० टन, संत्री १ ते २ टन, डाळिंब ५० ते ६० टन, पपई ३० ते ४० टेम्पो, लिंबे ८०० ते १२०० गाेणी, कलिंगड ५ ते ६ टेम्पो, चिकू ५०० गोणी, पेरू १००० ते १२०० प्लास्टिक जाळी (क्रेट्स), अननस ५ ट्रक, सीताफळ ७ ते ८ टन अशी आवक झाली.