रेल्वेच्या पुणे विभागाकडून मिरज-कोल्हापूर लोहमार्गावरील हातकणंगले स्थानकावर मंगळवारी (ता.१४) ब्लॉक घेण्यात येणार आहे. यामुळे या मार्गावरील अनेक गाड्या रद्द करण्यात आल्या आहेत. हेही वाचा >>>महापालिकेची सर्वसाधारण सभा नागरिकांसाठी खुली करा – राष्ट्रवादीचे शहराध्यक्ष अजित गव्हाणे यांची मागणी इलेक्ट्रॉनिक इंटरलॉकिंग बदलणे आणि इतर तांत्रिक कामासाठी हा ब्लॉक घेण्यात आला आहे. यामुळे मंगळवारी धावणाऱ्या मिरज-कोल्हापूर, कोल्हापूर-सातारा, मिरज-कोल्हापूर-मिरज, सांगली-मिरज, कोल्हापूर-सांगली, मिरज-कोल्हापूर या प्रवासी गाड्या रद्द करण्यात आल्या आहेत. पुण्याहून कोल्हापूरला जाणाऱ्या गाडी पुणे-कोल्हापूर एक्स्प्रेस मिरजपर्यंत धावेल. ती मिरजपासून पुढे जाणार नाही. याचबरोबर १५ मार्चला धावणारी कोल्हापूर-पुणे एक्स्प्रेस मिरजहून पुण्याला सुटणार आहे, अशी माहिती रेल्वेने कळवली आहे.
