पुणे: भाजपचे नेते मंत्री चंद्रकांत पाटील आणि आमदार रवींद्र धंगेकर यांना ओवाळून रुपाली चाकणकरांनी केली भाऊबीज साजरी

पुणे : देशभरात भाऊबीज हा सण मोठ्या उत्साहाच्या वातावरणात साजरा करण्यात येत असून पुण्यातील भोई प्रतिष्ठानच्या वतीने गंज पेठेतील अग्निशामक विभागाच्या मुख्य कार्यालयात भाऊबीज कार्यक्रम आयोजित करण्यात आला होता. या कार्यक्रमाला भाजपचे नेते मंत्री चंद्रकांत पाटील,महिला आयोगाच्या अध्यक्षा रुपाली चाकणकर,आमदार रवींद्र धंगेकर, आयोजक मिलिंद भोई यांच्यासह विविध क्षेत्रातील मंडळी उपस्थित होते.तर यावेळी महिला आयोगाच्या अध्यक्षा रुपाली चाकणकर यांनी भाजपचे नेते मंत्री चंद्रकांत पाटील आणि आमदार रवींद्र धंगेकर यांना ओवाळून भाऊबीज साजरी करीत दोन्ही नेत्यांना पुढील वाटचालीस शुभेच्छा दिल्या.