scorecardresearch

Premium

पुणे : संस्कृत, प्राकृत हस्तलिखिते आता एका क्लिकवर

हस्तलिखिते हा भारतीय ज्ञान परंपरेचा प्राचीन आणि सर्वात मोठा स्त्रोत आहे. अशा काही हस्तलिखितांचा संग्रह सावित्रीबाई फुले पुणे विद्यापीठाच्या संस्कृत आणि प्राकृत विभागामध्ये आहे.

Sanskrit and Prakrit Manuscripts now in one click
संगणकीय विवरणात्मक सूचीसाठी विद्यापीठाचा धरोहर या संस्थेसह सामंजस्य करार (फोटो- लोकसत्ता टीम)

लोकसत्ता प्रतिनिधी

पुणे : हस्तलिखिते हा भारतीय ज्ञान परंपरेचा प्राचीन आणि सर्वात मोठा स्त्रोत आहे. अशा काही हस्तलिखितांचा संग्रह सावित्रीबाई फुले पुणे विद्यापीठाच्या संस्कृत आणि प्राकृत विभागामध्ये आहे. उदयपूर येथील ना – नफा तत्वावर काम करणाऱ्या धरोहर या संस्थेने या हस्तलिखितांची संगणकीय विवरणात्मक सूची करण्यासाठी दिलेला प्रस्ताव विद्यापीठ अधिकार मंडळाने हा प्रस्ताव मान्य केला असून, हस्तलिखितांच्या संगणकीय विवरणात्मक सूचीसाठी शनिवारी सामंजस्य करार करण्यात आला.

Flight safety instructions given by Air India showing a glimpse of India's diverse culture Video Viral
भारतीय संस्कृतीची झलक दाखवत Air Indiaने सांगितल्या फ्लाईट सेफ्टी सुचना, Viral Video एकदी नक्की बघा
Indian Institute of Science Education and Research
विज्ञान दिनी विज्ञानप्रेमींना मेजवानी! खुला दिवस, शास्त्रज्ञ संवाद अशा विविध उपक्रमांचे आयोजन
mpsc exam preparation guidance mpsc exam preparation
MPSC मंत्र : प्राचीन व मध्ययुगीन इतिहास
artist nandalal bose illustrated images of indian culture history and diversity in constitution of india
संविधानभान : भारतीय संस्कृतीचा चित्रमय कोलाज

विद्यापीठाचे कुलगुरू प्रा. सुरेश गोसावी, धरोहर संस्थेचे संचालक संजय सिंघल यांनी करारावर स्वाक्षरी केली. प्र – कुलगुरु प्रा. पराग काळकर, कुलसचिव प्रा. विजय खरे, प्रा. संजय ढोले, माजी कुलसचिव कॅप्टन चितळे, संस्कृत प्राकृत विभागाचे विभागप्रमुख प्रा. देवनाथ त्रिपाठी, माजी विभागप्रमुख प्रा. रवींद्र मुळे, प्रा. विनया क्षीरसागर या वेळी उपस्थित होते.

आणखी वाचा- पिंपरी- चिंचवड: ‘त्या’ नऊ निष्पाप जीवांचा बळी कुणी घेतला? पोलीस की महानगरपालिका..!

प्राचीन ग्रंथाचे संरक्षण आणि जतन करून त्यातील माहिती पुनरूज्जीवित करून आधुनिक संदर्भात संशोधनासाठी नव्याने उपलब्ध करून देणे ही आजच्या काळाची गरज असल्याचे प्रा. गोसावी यांनी सांगितले.

धरोहर संस्थेने इतर संस्थाकडील हस्तलिखितांच्या प्रतिमा मिळवून संगणकीय सूचीचे काम सुरू केले आहे. त्यात पावणेआठ हजार हस्तलिखितांची सूची http://www.sangrah.org या आंतरजालीय संकेतस्थळावर संस्कृत अभ्यासक, संशोधकांसाठी उपलब्ध असल्याची माहिती सिंघल यांनी दिली. भारतीय ज्ञानाचा आणि प्रसारासाठी कार्यरत असलेल्या धरोहर संस्थेला विद्यापीठाच्या संस्कृत प्राकृत विभागाने हस्तलिखिते उपलब्ध करून देणे महत्त्वाचे असल्याचेही त्यांनी नमूद केले.

Latest Comment
View All Comments
Post Comment

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Sanskrit and prakrit manuscripts now in one click pune print news ccp 14 mrj

First published on: 10-12-2023 at 17:47 IST

आजचा ई-पेपर : पुणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×